Радтой сын фылдӕр ӕхца

0
19

Цӕгат Ирыстоны фондз хатты фӕфылдӕр кодтой Мӕздӕджы районы фӕндӕгты цалцӕджы ӕхцатӕ. Районы цӕрджытӕ комкоммӕ эфиры хъаст кодтой Владимир Путинӕн, сӕ фӕндӕгтӕ ӕвзӕр уавӕры кӕй сты, уый тыххӕй, ӕмӕ сын радих кодтой уӕлӕмхасӕн фӕрӕзтӕ.

«Специалисттӕ куыд  нымайынц, афтӕмӕй  Мӕздӕджы районы фӕндӕгтӕ сцалцӕг кӕнынӕн хъӕуы 40 милуан сомы, дӕтгӕ та сын кӕнынц 200 милуаны», — зӕгъы республикӕйы фӕндӕгты хӕдзарады комитеты сӕрдар Солиты Тариел.

Комитеты бӕрӕггӕнӕнтӕм гӕсгӕ скодтой проектон-сметон гӕххӕттытӕ ӕмӕ аразын райдыдтой Дзӕуджыхъӕуӕй Мӕздӕгмӕ фӕндаг. Йӕ дӕргъ уыдзӕн 101 км. Ныртӕккӕ уал дзы аразынц 57-километрон участок. 2020  азы 1 декабры фӕндаг ӕнӕхъӕнӕй дӕр уыдзӕн цӕттӕ, ӕмӕ йыл бӕлццӕттӕ сӕ рӕстӕг хардз кӕндзысты нырӕй дыууӕ хатты къаддӕр.

Республикӕйы Сӕргълӕууӕджы ӕмӕ Хицауады пресс-службӕ раздӕр хъусын кодта, Дзӕуджыхъӕуӕй Мӕздӕгмӕ фӕндаджы арӕзтадыл 2,1 миллиард сомы кӕй бахардз кӕндзысты, уый. Уыцы фӕрӕзтӕн сӕ 93 проценты радих кӕндзысты федералон бюджетӕй.

ОСТАВЬТЕ ОТВЕТ

Please enter your comment!
Please enter your name here