РЦИ-Аланийы боны кадӕн

0
20

21 ӕмӕ 22 сентябры нӕ республикӕйы цӕрджытӕ сбӕрӕг кӕндзысты Республикӕ Цӕгат Ирыстон-Аланийы бон, Ирыстон Уӕрӕсеимӕ баиуы 245 азы, Цӕгат Ирыстоны автономон республикӕйы равзӕрды 95 азы ӕмӕ Дзӕуджыхъӕуыл 235 азы кӕй сӕххӕст, уыцы бӕрӕгбонтӕ.

Ацы аз кадджын мадзӕлттӕ арӕзт ӕрцӕудзысты канд Дзӕуджыхъӕуы нӕ, фӕлӕ районты центрты ӕмӕ ма суанг алы хъӕуы дӕр, цӕмӕй ӕппӕт республикӕйы цӕрджытӕн дӕр фадат уа бӕрӕгбоны циндзинад банкъарынӕн.

Республикӕйы Хицауад йӕ размӕ цы хӕстӕ сӕвӕрдта, уыдон сты: республикӕйы цӕрджытӕ стырӕй, чысылӕй иууылдӕр бӕрӕгбоны куыд архайой, ууыл бацархайын. РЦИ-Аланийы Хицауады Сӕрдар сбӕрӕг кодта, бӕрӕгбоны фӕдыл цы мадзӕлттӕ арӕзт ӕрцӕудзӕн, уыдон. Ӕвзӕрст ӕрцыд бӕрӕгбоны мадзӕлттӕн дзуапдӕттӕг комитет. Иринӕ Азимова сын бафӕдзӕхста, цӕмӕй  сӕ хӕстӕ  сӕххӕст кӕной афойнадыл. Нӕ республикӕйы сӕйраг бӕрӕгбон цавӕр ӕмвӕзадыл ацӕудзӕн, уый аразгӕ у дзуапдӕттӕг организаницион комитеты куыстӕй.

— Цӕгат Ирыстоны цӕрджытӕ ӕмӕ нӕ республикӕйы уазджытӕ хъуамӕ банкъарой бӕрӕгбоны уддзӕф, базоной бирӕ ног хабӕрттӕ нӕ горӕт ӕмӕ республикӕйы цардӕй, сӕ историйӕ. Хъуамӕ алы бинонтӕ дӕр архайой, цы хъӕлдзӕг мадзӕлттӕ арӕзт ӕрцӕудзӕн, уым, — загъта Иринӕ Азимова.

Пъланмӕ гӕсгӕ бӕрӕгбоны фӕдыл сӕйраг мадзӕлттӕ райдайдзысты 21 сентябры. Хъесайы-фырты номыл уынджы, Терчы был стыр фӕзуаты райсом раджы райдайдзысты бӕрӕгбоны мадзӕлттӕ. Ам ацӕудзӕн ирон чъириты фестивал, равдыстытӕ ӕмӕ армукъатӕ, бынӕттон фӕллойгӕнджыты дӕсныйадӕвдисӕг ахуыртӕ, адӕмон зарджытӕ ӕмӕ кӕфтыты концерттӕ, физкультурон-спортивон бӕрӕгбонтӕ. Хуыздӕр хъӕууон-фермерон хӕдзарӕдтӕ байгом кӕндзысты хъӕууонхӕдзарадон армукъатӕ. Ноджы ма ам нӕ горӕты цӕрджытӕн сӕ бон уыдзӕн архайын информацион-агитацион куысты «Контрактмӕ гӕсгӕ службӕ УФ-йы Хотыхджын тыхты», нырыккон хӕстон техникӕйы хуызтӕ фенын, саходын хӕстон-быдырон хӕринӕгтӕй.

22 сентябры бӕрӕгбоны мадзӕлттӕ дарддӕр ацӕудзысты Хетӕгкаты Къостайы номыл  фӕлладуадзӕн парчы. Парчы цы фӕзуӕттӕ ис, уым ацӕудзӕн фестивал, нӕ республикӕйы цы бирӕ адӕмыхӕттытӕ цӕры, уыдоны хъӕппӕрисӕй. Уыцы бон Адӕмы иудзинады фӕзы бӕрӕгбоны концерт арӕзт ӕрцӕудзӕн Ирыстон Уӕрӕсеимӕ баиуы 245 азы кадӕн. Бӕрӕгбоны мадзӕлттӕ ма ацӕудзысты Сабырдзинады проспекты ӕмӕ Штыбы фӕзы дӕр. Уый фӕстӕ нӕ горӕт срӕсугъд кӕндзӕн, Терчы был кӕй суадздзысты, уыцы салют.

Хъойбайты Галинӕ

ОСТАВЬТЕ ОТВЕТ

Please enter your comment!
Please enter your name here