Ныхас — ӕрыгон политологтимӕ

0
21

Уӕрӕсейы ӕрыгон политологты форум «Дыгургом» дыккаг бон ӕрӕмбырд кодта зындгонд политикты ӕмӕ экспертты. Ӕрыгон политологты ӕппӕтуӕрӕсеон Форум «Дыгургом»-ы архайджытӕ дыккаг ахуырадон бон сӕумӕрайсомӕй фӕстӕмӕ бабӕрӕг кодтой ахуырадон фӕзтӕ ӕмӕ мастер-класстӕ. Эксперттимӕ иумӕ сӕ куыст цыдис фидӕны Уӕрӕсейы сурӕт сныв кӕныны фӕдыл.

Уыцы бон-ма Форумы уазджытӕ уыдысты зындгонд политиктӕ ӕмӕ эксперттӕ. Ахуырадон фӕз чи бабӕрӕг кодта ӕмӕ архайджытимӕ чи аныхас кодта, уыдонӕй иу уыдис УФ Паддзахадон Думӕйы депутат Алексей Журавлев. Уый ӕрыгон специалисттӕн радзырдта, Уӕрӕсейы политикон фидӕны хуызӕг аразынӕн сӕ хъуыдытӕ тынг вазыгджын кӕй сты, уый.

Ӕрыгон политологтимӕ ма сӕмбӕлдис ӕмӕ аныхас кодта ӕппӕтуӕрӕсеон ӕхсӕнадон змӕлд «Уӕлахизы бархионты» разамонӕг Ольгӕ Амельченкова. Спикер форумы архайджытӕн радзырдта: «Уӕлахизы бархионты» фӕлгонц ӕрхъуыды кодтам Уӕлахизы 70 азы рӕстӕг ӕмӕ уый, фыццаджыдӕр, баст у Фыдыбӕстӕйы Стыр хӕстимӕ. Уый уыд, 2015 азы 100 мин адӕймаджы чи баиу кодта, ахӕм хъуыддаг. Ӕмӕ нын фадат радта, адӕмы хуымӕтӕджы иугондӕй (йӕхи структурӕимӕ) хицӕн ӕнӕкоммерцион организаци саразын», — бацамыдта спикер.

Уыцы бон-ма Форумы фӕзыл раныхас кодта       УФ-йы Президенты ӕхсӕнадон проектты Управленийы хицау Сергей  Новиков. Уый бузныг загъта республикӕйы разамындӕн, Форумы архайджытӕ ӕмӕ уазджытыл ирон зӕххыл хъӕрмустӕй кӕй сӕмбӕлдысты, уый тыххӕй.

— Форум уагъд цыдис фыццаг хатт ӕмӕ кӕд йӕ архайджыты нымӕц бирӕ нӕ уыд, уӕддӕр стратегион ӕгъдауӕй у вазыгджын. Абон ӕрыгон адӕм тынг бирӕхуызон информаци кӕй  исынц, уымӕ гӕсгӕ сын тынг зын вӕййы, хъусдарды аккаг аив хъуыдытӕ ссарын. Уымӕ гӕсгӕ фӕсивӕдӕн тынг ахсджиаг вӕййы, сӕмбӕлын, йӕ хъуыды раст кӕмӕн у, ахӕм адӕмыл. Ӕмӕ уыдон хъуамӕ суой ӕрыгон политологтӕ. Хорз у, ӕрыгон адӕм, нӕ бӕстӕйы дард субъекттӕй, Цӕгат Ирыстонмӕ кӕй ссыдысты, ӕмӕ хӕствӕллад Кавказы бӕсты цымыдисаг, сабыр ӕмӕ фидӕнджын регион кӕй федтой, уый. Мӕнмӕ гӕсгӕ, уый ӕрыгон адӕмӕн гом кӕны сӕ цӕстытӕ, кӕм цӕрынц, уыцы бӕстӕмӕ», — бахахх кодта Новиков.

Боны кӕрон Форумы архайджытӕ ӕмӕ уазджытӕм ӕнхъӕлмӕ каст культурон программӕ. Цӕгат Ирыстоны Сӕргълӕууӕг Битарты Вячеслав фембӕлды адӕммӕ фӕсидти арфӕйы ныхасимӕ:

— Нӕ республикӕйӕн, йе ‘ппӕт историйы мидӕг дӕр Цӕгат Кавказы Уӕрӕсейы форпост чи уыдис, уымӕн зынаргъ у абоны бӕрӕгбоны фысым уӕвын. Нӕхицӕн кадыл нымайӕм, тагъд рӕстӕджы нӕ бӕcтӕйы ӕхсӕнадон-политикон системӕ чи нывӕнддзӕн, уыдонимӕ фембӕлын. Уымӕ гӕсгӕ-ма иу хатт арфӕ кӕнын, ам цы фӕсивӕд ӕрӕмбырд, уыдонӕн.

Нӕ зӕрдыл ӕрлӕууын кӕнӕм, Форумы аразджытӕ кӕй уыдысты: ӕппӕтуӕрӕсеон ӕхсӕнадон организаци «Уӕрӕсейы политологты ӕхсӕнад», фӕсивӕды хъуыддӕгты Федералон агентад ӕмӕ Республикӕ Цӕгат Ирыстон-Аланийы Хицауад.

Бацамонӕм, РЦИ-Алани Форум ауадзыны бынатӕн ӕвзӕрст ӕрцыд, куыд Уӕрӕсейы сӕйраг геостратегион регион ӕмӕ форпост Цӕгат Кавказы, афтӕ. Уымӕй уӕлдай Цӕгат Ирыстон у Уӕрӕсейы хуыздӕр туристон регион. Ам фембӕлӕн ис ӕрдзы таурӕгъон бынӕттӕ ӕмӕ историон цыртдзӕвӕнтыл.

ОСТАВЬТЕ ОТВЕТ

Please enter your comment!
Please enter your name here