Йӕ куыстӕн — аккаг аргъ

0
37

Знон, РЦИ-Аланийы Сӕргълӕууӕг Битарты Вячеслав Ирыстоны культурӕ, киноаивадмӕ стыр бавӕрӕн кӕй бахаста, стӕй йӕ 60 азы юбилейы фӕдыл, майдан «Ирыстоны намысӕн»-ӕй схорзӕхджын кодта сценарист ӕмӕ режиссер, зындгонд киноныв «Хохаг» ӕмӕ ӕндӕрты автор Джусойты Мураты.

Кадджын хӕрзиуӕг ын раттыны размӕ республикӕйы Сӕргълӕууӕг арфӕ ракодта Джусойты Муратӕн йӕ 60 азы юбилейы фӕдыл. Уый куыд загъта, афтӕмӕй йӕ кинонывтӕ канд киноаивадмӕ нӕ бахастой стыр бавӕрӕн, фӕлӕ ма сын ис стыр хъомыладон нысаниуӕг дӕр. Йӕ ныхасмӕ гӕсгӕ, афтӕ йӕ фырттӕн дӕр бафӕдзӕхста, цӕмӕй ахуыр кӕной Джусойты Мураты кинонывты бирӕ хорздзинӕдтыл.

Фӕстаг рӕстӕджы Джусойты Мурат систа цыбырметражон киноныв «Къоста», рацӕудзӕн ирон литературӕйы бындурӕвӕрӕджы 160 азы юбилеймӕ.

Уыцы киноныв рухс фендзӕн уырыссаг ӕмӕ ирон ӕвзӕгтыл. Режиссеры ныхасмӕ гӕсгӕ, актертӕ дзурдзысты дыууӕ ӕвзагыл, цӕуыл дзурынц, уый бамбарыны охыл киноныв саразджытӕ спайда кодтой субтитртӕй.

Абайты Эдуард

ОСТАВЬТЕ ОТВЕТ

Please enter your comment!
Please enter your name here