Ӕрымысыдысты  Хъолайы цъитийы амӕттӕгты рухс нӕмттӕ

0
58

Хӕхтӕ куыд рӕсугъд сты, афтӕ сӕ ӕрдзон ӕвӕрдмӕ гӕсгӕ рӕстӕгӕй-рӕстӕгмӕ  адӕмы фыдбылызы баппарын дӕр зонынц. 

Афтӕ рауад 17 азы размӕ дӕр Гӕналдоны комы сӕрмӕ Хъӕрмӕдоны Хъолайы цъитъийы зӕйраскъуыды рӕстӕг. Уӕд уыцы фыдбӕллӕхы аххосӕй бирӕ цардбӕллон  адӕмы цард аскъуыд. Уыдонӕй уыд  зындгонд режиссер ӕмӕ актер Сергей Бодровы киноисӕн сфӕлдыстадон къорд, бӕхты театр «Нарты» артисттӕ, нӕ республикӕйы Парламенты кусджытӕй иу къорд.

Уыцы бӕллӕхӕн йӕ фӕстиуджытӕ кӕд иуварсгонд ӕрцыдысты, уӕддӕр йӕ аххосӕй а дунейӕ чи фӕхъуыд, уыцы адӕмыл хъыджы фӕд зӕрдӕтӕй нӕ хицӕн кӕны.

Ӕрдзон фыдбылыз кӕй онг ӕрхӕццӕ, уымӕ хӕстӕг цы номарӕн цыртдзӕвӕн ӕвӕрд ӕрцыд, уырдӕм знон  ӕрбамбырд сты РЦИ-Аланийы Сӕргълӕууӕг  Битарты Вячеслав, Хицауады, Парламенты, министрадты ӕмӕ ведомствӕты, фӕсивӕдон ӕмӕ ӕндӕр ӕхсӕнадон-политикон партиты минӕвӕрттӕ,  ӕрдзон фыдбылызы амӕттӕгты хиуӕттӕ ӕмӕ хӕстӕджытӕ  номарӕн цыртдзӕвӕныл сӕвӕрдтой веноктӕ ӕмӕ дидинджытӕ.

ОСТАВЬТЕ ОТВЕТ

Please enter your comment!
Please enter your name here