Цӕгат Ирыстоны зынаргъ цӕрджытӕ!

0
79

Зынаргъ хӕлӕрттӕ!

Зӕрдиаг арфӕ уын кӕнын Республикӕйы ӕмӕ Дзӕуджыхъӕуы бӕрӕгбӕтты фӕдыл.

Ацы бон нӕ уӕлдай бӕрӕгбондӕрхуыз кӕнынц ӕртӕ цауы: Уӕрӕсеимӕ Ирыстоны баиуы 245 азы, Цӕгат Ирыстоны Автономон республикӕйы сырӕзты 95 азы ӕмӕ Дзӕуджыхъӕуы 235 азы.

Афӕдзы историон юбилейты ахадындзинад кӕуылты у — дыууӕсӕдӕ азӕй фылдӕры размӕ ирон адӕм равзӕрстой иунӕг раст фӕндаг сӕ хъысмӕт ӕмӕ бирӕ фӕлтӕрты фидӕн тыхджын бӕстӕимӕ сбӕтгӕйӕ, сӕдӕ азмӕ ӕввахс республикӕ райста автономийы ном, уый йын зынгӕ фӕуӕрӕхдӕр кодта йӕ ӕххӕстбартӕ ӕмӕ йӕ гӕнӕнтӕ, дыууӕ ӕнус ӕмӕ ӕрдӕджы размӕ райгуырд горӕт ӕмӕ ссис Цӕгат Кавказы рӕсугъддӕр горӕттӕй иу.

Мах уарзӕм нӕ горӕт, сӕрыстыр стӕм республикӕйӕ, хъахъхъӕнӕм, фыдӕлтӕ нын цы ӕгъдӕуттӕ фӕдзӕхстой, уыдон, кад кӕнӕм, Уӕрӕсейы ӕмӕ Ирыстоны хъӕбатырдзинады ӕмӕ фӕллойадон азфысты ирд сыфтӕ чи ныууагъта, уыдоны нӕмттӕн, сӕрыстыр стӕм не ‘мзӕххонты уӕлахизтӕй наукӕйы, аивады, спорты.

Нӕ размӕ чи уыд, уыдоны ӕнтыстытӕй сӕрыстырдзинад, бӕрнондзинад фидӕны фӕлтӕрты раз дӕттынц махӕн ныфс ӕмӕ хъарутӕ абоны хорз хъуыддӕгтӕ аразынӕн, уыдонӕй аразгӕ у ӕрмӕст республикӕйы экономикон рӕзт нӕ, фӕлӕ йӕ алы гражданины хорздзинад дӕр.

Республикӕ Цӕгат Ирыстон-Аланийы Бон дӕтты диссаджы фадат регионы ӕнтыстытӕ равдисынӕн, уыдонӕн та сӕ сӕйрагдӕртӕ сты иудзинад, хӕлардзинад ӕмӕ нӕ егъау бирӕнацион бинонты ӕфсымӕрдзинад, иу та сӕ кӕны сӕ абоны ӕмӕ фидӕны арӕзтадмӕ бӕстӕйы ӕмӕ планетӕйы ӕппӕт адӕмимӕ сабыр ӕмӕ кӕрӕдзи ӕмбаргӕйӕ цӕрыны иумӕйаг тырнындзинад.

Уӕдӕ амондджын ӕмӕ ӕнӕниз уӕд нӕ уарзон республикӕ, рӕзӕд ӕмӕ рӕсугъддӕр кӕнӕд нӕ уарзон Хӕстон намысы горӕт — Дзӕуджыхъӕу!

Республикӕйы Боны бӕрӕгбоны хорзӕх дӕ уӕд, Цӕгат Ирыстон! Дидинӕг кал ӕмӕ ӕнтыстджын у!

Битарты Вячеслав,

Республикӕ Цӕгат Ирыстон-Аланийы Сӕргълӕууӕг

ОСТАВЬТЕ ОТВЕТ

Please enter your comment!
Please enter your name here