Театралон марафон ӕмӕ фестивал «Мариинаг — Дзӕуджыхъӕу»

0
70

Ӕппӕтуӕрӕсеон театралон марафоны нысан кадджын уавӕры лӕвӕрд ӕрцыд, Дунеон 3-аг фестивал «Мариинаг — Дзӕуджыхъӕу» байгом кӕныны фӕлгӕты, паддзахадон академион филармонийы. Цӕгат Ирыстон эстафетӕ райста Адыгейы республикӕйы Уырыссаг паддзахадон драмон театры труппӕйӕ.

Рагон грекъаг амфитеатры хуыз кӕмӕн ис, уыцы статуэткӕ — театралон марафоны нысан, Хуссар федералон зылдӕй Цӕгат Кавказы федералон зылдмӕ радтыны бацархайынмӕ, Цӕгат Ирыстоны сӕмбӕлд Уӕрӕсейы Хицауады Сӕрдары хӕдивӕг Ольгӕ Голодец. Уый статуэткӕ радта РЦИ-Аланийы Сӕргълӕууӕг Битарты Вячеславмӕ.

Ацы ахсджиаг цауы бацархайыны тыххӕй Дзӕуджыхъӕумӕ ссыдысты Цӕгат Кавказы хъуыддӕгты тыххӕй министр Сергей Чеботарев, Мӕскуыйаг паддзахадон академион филармонийы генералон директор Алексей Шалашов, Уӕрӕсейы Культурӕйы министры хӕдивӕг Павел Степанов, паддзахадон Мариинаг театры директор ӕмӕ аивадон разамонӕг Гергиты Валери ӕмӕ ӕндӕр ахсджиаг уазджытӕ. Цӕгат Ирыстоны цы кадджын уазджытӕ сӕмбӕлд, уыдоны къухы бафтыд республикӕйы культурӕйы артдзӕстытӕ бабӕрӕг кӕнын. Марафоны тых сӕ цыма баиу кодта, уыйау Тӕбӕхсӕуты Балойы номыл национ театры ӕрбынӕттон сты Цӕгат Кавказы ӕппӕт субъектты театртӕ. Ирон театры фенӕн уыдис театралон равдыстытӕ, марафоны фӕндаг ӕвдисӕг къамтӕ. Театр «Саби»-йы, Вахтанговы номыл Уырыссаг театры ӕмӕ инклюзивон театр «Уӕлтӕмӕнад»-ы конд ӕрцыд дӕсныдзинад ӕвдисӕг фембӕлдтытӕ театралон аивады зындгонддӕр артисттимӕ, ӕндӕр сфӕлдыстадон хъуыддӕгтӕ.

«Абон мах ӕвдӕм хатт гом кӕнӕм театралон марафон. Цӕгат Кавказы федералон зылды эстафетӕ йӕхимӕ фыццагдӕр райста Дзӕуджыхъӕу. Мах ам цы уавӕртӕ ӕмӕ цӕттӕдзинад федтам, уый зӕрдӕ агайы. Мӕ цӕстӕй акӕсгӕйӕ, уый адӕмӕн у кавказаг театрты сфӕлдыстадимӕ базонгӕ уӕвыны ахъаззаг гӕнӕн. Мӕн уырны, театралон марафон уӕм ӕнтыстджынӕй кӕй ацӕудзӕн, уый», — загъта Уӕрӕсейы Хицауады Сӕрдары хӕдивӕг Ольгӕ Голодец.

Марафон йӕ тыхы бацыд январы, Владивосточы, ӕмӕ эстафетӕйы хуызы, Уӕрӕсейы ӕппӕт 85 регионыл дӕр аххӕсдзӕн. Марафоны нысан — статуэткӕ лӕвӕрд цӕуы театрӕй театрмӕ, иу горӕтӕй иннӕмӕ, бӕстӕйы скӕсӕнӕй йе ‘ппӕты ныгуылӕйнаг бынатмӕ. Афтӕ зӕгъӕн ис, ӕмӕ уыцы нысан бӕстӕ кӕрӕдзиуыл бӕтты, театры аз мидисджындӕр кӕнгӕйӕ. Ныронг марафоны бацархайдтой 113 театры Уӕрӕсейы 70 горӕты.

РЦИ-Аланийы Сӕргълӕууӕджы ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here