Скъоладзауты ӕппӕтуӕрӕсеон олимпиадӕ

0
23

Куыд иннӕ регионты, афтӕ Цӕгат Ирыстоны дӕр райдыдта Скъоладзауты ӕппӕтуӕрӕсеон олимпиадӕ. Уыцы мадзал цӕудзӕн азы кӕронмӕ цыппар къӕпхӕнӕй: бынӕттон, муниципалон, регионалон ӕмӕ кӕронбӕттӕн.

Уый тыххӕй фехъусын кодта РЦИ-Аланийы Ахуырад ӕмӕ наукӕйы министрады пресс-службӕ.

Пресс-службӕйы минӕвары ныхасмӕ гӕсгӕ, 2019-2020 ахуыры азы Скъоладзауты ӕппӕтуӕрӕсеон олимпиадӕ цӕудзӕн уырыссаг ӕвзаг ӕмӕ литературӕйӕ, математикӕйӕ, физикӕйӕ, географийӕ, биологийӕ, истори ӕмӕ афтӕ дарддӕр (ӕдӕппӕт 21 ахуырадон предметӕй).

«Ахуырадон кусӕндӕтты разамонджытӕн бахӕс кодтам, цӕмӕй скъоладзаутӕ хӕрзцӕттӕйӕ сӕмбӕлой олимпиадӕйы ерыстыл. Нӕ размӕ ӕвӕрӕм бӕлвырд нысан — нӕ республикӕйы минӕвӕрттӕ хъуамӕ суой ӕппӕтуӕрӕсеон олимпиадӕйы кӕронбӕттӕны призертӕ. Цӕмӕй уый къухы бафта, уый тыххӕй снысан кодтам бӕлвырд ахуырадон мадзӕлттӕ», — радзырдта республикӕйы ахуырад ӕмӕ наукӕйы министр Людмилӕ Башарина.

Олимпиадӕйы мадзӕлттӕ 24 октябры онг цӕуынц скъолаты, 11 ноябры та райдайдзӕн муниципалон къӕпхӕн.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here