Цхинвалы байгом уыдзӕн наукон центры филиал

0
10

Ныртӕккӕ фарста ӕвӕрд цӕуы, цӕмӕй Хуссар Ирыстоны байгом уа Уӕрӕсейы Наукӕты академийы Дзӕуджыхъӕуккаг наукон центры филиал. Уый тыххӕй фехъусын кодта наукон центры директоры хӕстӕ рӕстӕгмӕ ӕххӕстгӕнӕг Цыбырты Алексей.

«Республикӕ Хуссар Ирыстоны ахӕм ног структурӕ байгом кӕныны хъӕппӕрис равдыста Президент Бибылты Анатоли. Уыцы фӕндон мах хъуыдымӕ гӕсгӕ дӕр раст у. Дзӕуджыхъӕуы наукон центрӕн рагон ӕмӕ бирӕвӕрсыг бастдзинӕдтӕ ис Хуссар Ирыстоны наукон ӕмӕ ахуырадон кусӕндӕттимӕ ӕмӕ уыцы ӕмгуыстад ноджы ӕнгомдӕр куы уа, уӕд хъуыддагыл хорзӕрдӕм сахаддзӕн», — фӕнысан кодта Цыбырты Алексей.

Цыбыры-фырты ныхасмӕ гӕсгӕ, Цхинвайлаг филиал кусын куы райдайа, уӕд зынгӕ фӕхъомысджындӕр уыдзӕн уӕрӕсейаг-хуссарирыстойнаг наукон ӕмархайд, республикӕйы наукон ӕмӕ ахуырадон цардыл хуыздӕрӕрдӕм сахаддзӕн уӕрӕсейаг специалистты фӕлтӕрддзинад.

Уӕрӕсейы Наукӕты академийы филиал Цхинвалы байгом кӕныны фӕдыл сӕрмагонд куырдиат республикӕйы Президент Бибылты Анатоли арвыста УФ-йы наукӕ ӕмӕ уӕлдӕр ахуырады министр Михаил Котюковы номыл.

(«Осинформ»)

ОСТАВЬТЕ ОТВЕТ

Please enter your comment!
Please enter your name here