Ахуыргӕнджытӕ ӕмӕ сӕ дӕсныдзинад

0
12

Ӕрӕджы хыгъд ӕрцыдысты Педагогон кусджыты профессион дӕсныдзинады А.С. Макаренкойы номыл ӕппӕтуӕрӕсеон конкурсы бӕрӕггӕнӕнтӕ.

Уый тыххӕй фехъусын кодта РЦИ-Аланийы Ахуырад ӕмӕ наукӕйы министрады пресс-службӕ.

Пресс-службӕйы минӕвары ныхасмӕ гӕсгӕ, 2019 азы конкурсы сӕ хъарутӕ ӕмӕ зонындзинӕдтӕ бавзӕрстой 100 мин ахуыргӕнӕгӕй фылдӕр Уӕрӕсейы ӕппӕт регионтӕй. Конкурсы архайджытӕ цы хӕслӕвӕрдтӕ ӕххӕст кодтой, уыдон баст уыдысты сывӕллӕтты психологи ӕмӕ педагогикӕйы иннӕ къабӕзты зонындзинӕдтимӕ. Кӕй зӕгъын ӕй хъӕуы, конкурсы рӕстӕг бӕрӕг кодтой, ахуыргӕнджытӕ А.С. Макаренкойы наукон архайдимӕ куыд зонгӕ сты, уый дӕр.

Конкурс цыд регионалон ӕмӕ федералон къӕпхӕнтыл. Цӕгат Ирыстоны регионалон къӕпхӕны чи архайдта, уыдонимӕ уыдысты Дзӕуджыхъӕуы базарадон-экономикон техникумы ахуыргӕнджытӕ дӕр. Уыдоны архайд ӕппӕты ӕнтыстджындӕр рауад — техникумы минӕвӕрттӕй 12 адӕймаджы систы регионалон къӕпхӕны уӕлахиздзаутӕ, Цорӕты Светланӕ та сси кӕронбӕттӕн ерысты уӕлахиздзаутӕй иу.

Педагогон кусджыты профессион дӕсныдзинады А.С. Макаренкойы номыл ӕппӕтуӕрӕсеон конкурс арӕзт цӕуы «2018-2025 азтӕн ахуырады рӕзт»-ы федералон программӕйы фӕлгӕты.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here