Ӕмгуыстады фарстатыл ӕрдзырдтой

0
8

Мӕскуыйы Геодези ӕмӕ картографийы паддзахадон университет специалисттӕ цӕттӕ кӕндзӕн Хуссар Ирыстонӕн дӕр.

Ууыл сӕ фембӕлды рӕстӕг баныхас кодтой Республикӕ Хуссар Ирыстоны ӕххӕстбарджын минӕвар Уӕрӕсейы Федерацийы Гасситы Знауыр ӕмӕ университеты ректор Надеждӕ Камынина.

Хуссар Ирыстоны минӕварады пресс-службӕ куыд фехъусын кодта, афтӕмӕй фембӕлды архайджытӕ ӕмгуыстады фарстаты фӕдыл бацӕттӕ кӕндзысты ӕмӕ бафысдзысты сӕрмагонд бадзырд. Картографийы, геодези ӕмӕ кадастры къабазы специалисттӕ цӕттӕ кӕнынӕй уӕлдай, республикӕ ӕмӕ университеты минӕвӕрттӕ ӕмархайд кӕндзысты ӕндӕр ахуырадон ӕмӕ наукон фарстыты дӕр.

Геодези ӕмӕ картографийы паддзахадон университетӕн бындур ӕвӕрд ӕрцыд 1779 азы. Уӕдӕй нырмӕ университет у геодезион ахуырады бӕстӕйы сӕйраг центр. Университеты сконды ныртӕккӕ кусынц авд факультеты, аспирантурӕ ӕмӕ докторантурӕ, 25 ахуырадон ӕмӕ наукон-куыстадон центры.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here