Хъарм ӕмӕ электрон тыхдӕттӕн станцӕ

0
22

Знон Республикон клиникон рынчындоны территорийыл кадджын уавӕры скусын кодтой хъарм ӕмӕ электрон тыхдӕттӕн  ног станцӕ.

Ног станцӕ хъарм ӕмӕ электрон тыхӕй ӕфсаддзӕн рынчындон, стӕй, йӕ алыварс цы бирӕ медицинон кусӕндӕттӕ ис, уыдон. Станцӕ уал ныридӕгӕн электрон тыхӕй ӕфсады Республикон клиникон рынчындоны кардиологон хайад ӕмӕ Тугисӕн станцӕ, къӕпхӕнгай та йӕм баиу кӕндзысты рынчындоны иннӕ хайӕдтӕ, Буары низты ӕмӕ Эндокринологон диспансертӕ, цыппӕрӕм поликлиникӕ ӕмӕ иннӕ медицинон кусӕндӕттӕ.

Специалисттӕ куыд зӕгъынц, афтӕмӕй ног станцӕ кусын кӕй райдыдта, уый фӕрцы электрон тыхы аргъ дыууӕ хатты фӕкъаддӕр уыдзӕн — уыцы ӕууӕл фадат ратдзӕн бюджетон фӕрӕзтӕ фӕстауӕрц кӕнынӕн.

Станцӕйы хъару у 2 мегаватты, йӕ арӕзтад ӕмӕ технологон ифтонггӕрзтыл та бахардз кодтой 82 милуан сомы. Станцӕ кусы ӕрдзон газӕй.

Ног объект байгом кӕныны фӕдыл кадджын ӕмбырды архайдтой РЦИ-Аланийы Хицауады Сӕрдары хӕдивӕг Фадзайты ӕхсарбег, республикӕйы цӕрӕнуӕтты-коммуналон хӕдзарады, артаг ӕмӕ энергетикӕйы министр Таматы Майрӕн, медицинон кусӕндӕттӕ ӕмӕ энергетикон компаниты минӕвӕрттӕ.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here