Дунеон фестивал — Дзӕуджыхъӕуы

0
100

Дзӕуджыхъӕуы йӕ куыст райдыдта скрипкӕйы музыкӕйы фӕндзӕм дунеон фестивал. Нӕ республикӕйы социалон-ӕхсӕнадон царды ахӕм егъау цау саразынӕн йӕ амидингӕнӕг уыд Дзӕуджыхъӕуы бынӕттон хиуынаффӕйады администрацийы культурӕйы управлени.

Скрипкӕйы музыкӕйы дунеон фестивал Дзӕуджыхъӕуы у, ӕмбал кӕмӕн нӕй, ахӕм проект, уымӕн ӕмӕ дзы архайынц канд дӕсны ӕмӕ хъуыстгонд музыканттӕ нӕ, фӕлӕ ӕрыгӕттӕ дӕр — Дзӕуджыхъӕуы ӕмӕ Уӕрӕсейы ӕндӕр горӕтты музыкалон скъолаты ахуырдзаутӕ. Ацы аз фестивалы уазджытӕ уыдзысты: В.Раевскийы номыл Вятскы симфонион оркестры сӕйраг дирижер Константин Маслюк, Уӕрӕсейы Федерацийы сгуыхт артисттӕ Граф Муржа ӕмӕ Ариадна Анчевская, дунеон конкурсты лауреаттӕ — Илья Ткаченко, Аяко Танабе, Тадтаты Григори, Тедеты Тамерлан, Катаринӕ Мрвич, Тахъазты Арианӕ, Елизаветӕ Парамонова, стӕй сывӕллӕтты музыкалон скъолаты ахуырдзаутӕ ӕмӕ хуыздӕр музыкалон уӕлдӕр ахуыргӕнӕндӕтты студенттӕ.

Ӕнӕзӕгъгӕ нӕй, фӕндзӕм дунеон фестивалы архайджыты ‘хсӕн кӕй сты Дзӕуджыхъӕуы П.Чайковскийы номыл 1-ӕм музыкалон скъолайы фараст рауагъдоны дӕр.

— Уӕлдай арфӕ ракӕнын мӕ фӕнды, дард рӕттӕй нӕм чи ссыд, фестивалы уыцы архайджытӕн. Ӕхсызгон у, нӕ музыкалон скъолаты ахуырдзаутӕ дӕр фестивалы кӕй архайынц, уый. Дунеон ӕмвӕзадмӕ рацӕуынӕн сын ацы культурон цау ахъазгӕнӕг кӕй уыдзӕн, ууыл нӕ зӕрдӕ дарӕм», — загъта горӕт Дзӕуджыхъӕуы бынӕттон хиуынаффӕйады администрацийы сӕргълӕууӕджы хӕдивӕг Бӕройты Хасан.

ОСТАВЬТЕ ОТВЕТ

Please enter your comment!
Please enter your name here