Фӕрниаты Тамерлан — Дзӕуджыхъӕуы администрацийы сӕргълӕууӕг

0
14

Знон уыд Дзӕуджыхъӕуы Минӕвӕртты ӕмбырды ӕртыккӕгӕм сесси. Минӕвӕртты ӕмбырды депутаттӕ Дзӕуджыхъӕуы бынӕттон хиуынаффӕйады администрацийы сӕргълӕууӕгӕй равзӕрстой Фӕрниаты Тамерланы.

Дзӕуджыхъӕуы ног ӕвзӕрст Минӕвӕртты ӕмбырды депутаттӕ сӕ сессийы цы фарстытӕм ӕркастысты, уыдонӕй сӕйрагдӕр уыд горӕты администрацийы сӕргълӕууӕджы снысан кӕнын. Зындгонд куыд у, афтӕмӕй  уыцы бӕрнон бынатмӕ конкурсы кӕронбӕттӕнмӕ рацыдысты администрацийы сӕргълӕууӕджы хӕстӕ ӕххӕстгӕнӕг Фӕрниаты Тамерлан ӕмӕ муниципалон исбонад ӕмӕ зӕххы фӕрӕзты управленийы хицау Челдыты Георги.

Ӕмӕ ныр знон Минӕвӕртты ӕмбырды депутаттӕ сӕ хъуыды раргом кодтой, горӕты администрацийы сӕргъы чи ӕрлӕудзӕн, уыцы кандидатурӕйы фӕдыл. Ӕмбырды чи архайдта, уыцы 28 депутаты ӕмхъӕлӕсӕй рахӕцыдысты Фӕрниаты Тамерланы фарс.

Зындгонд куыд у, афтӕмӕй Фӕрниайы-фырт фӕстаг мӕйы дӕргъы ӕххӕст кодта горӕты администрацийы сӕргълӕууӕджы хӕстӕ. Уымӕй размӕ та уыд администрацийы сӕргълӕууӕджы фыццаг хӕдивӕг.

ОСТАВЬТЕ ОТВЕТ

Please enter your comment!
Please enter your name here