Хӕдзӕртты хъарм фӕзынд

0
15

Ӕппӕтуӕрӕсеон адӕмон фронты цӕгатирыстойнаг активисттӕ бацархайдтой, цӕмӕй Беслӕны бирӕфатерон хӕдзӕртты хъармгӕнӕн ифтонггӕрзтӕ ивд ӕмӕ цалцӕггонд ӕрцӕуой, ууыл.

Ӕхсӕнадон организацийы уӕнгтӕ муниципалон хицаудзинадмӕ куы бахъаст кодтой, уӕд Сиговы уынджы 52-ӕм ӕмӕ Уӕлахизы уынджы 65-ӕм хӕдзӕрттӕ хъарм кӕнын райдыдтой, стӕй дзы тӕвд дон дӕр фӕзынд.

— Хӕтӕлтӕ ӕмӕ бойлер кӕй баихсыдысты, уый аххосӕй ӕртӕ азӕй фылдӕр  Сиговы уынджы бирӕфатерон хӕдзармӕ тӕвд дон цыд къуылымпытимӕ. Хъармгӕнӕн ифтонггӕрзтӕ баивинаг кӕй уыдысты, уый тыххӕй Уӕлахизы уынджы хӕдзармӕ тӕвд дон хорз нӕ цыд. Беслӕйнӕгтӕ кӕд бирӕ рӕттӕм  хъаст кодтой, уӕддӕр уавӕр хорзӕрдӕм нӕ ивта. Фӕстагмӕ  сӕ хъаст ӕрбахастой  махмӕ.  Профилон ведомствӕты минӕвӕрттимӕ сӕ сӕмбӕлын кодтам, ӕмӕ фарст цыбыр рӕстӕгмӕ лыггонд ӕрцыди.  Сиговы уынджы бирӕфатерон хӕдзары тӕвдгӕнӕн баивтой, Уӕлахизы уынджы хӕдзары та ифтонггӕрзтӕ банывыл кодтой.

Ацы хъуыддаг дзурӕг у ӕхсӕнады ӕмӕ хицаудзинады ӕмгуыстадыл. Рахизфарсы районы разамындимӕ дарддӕр дӕр кӕрӕдзи кӕй ӕмбардзыстӕм, ууыл мӕ зӕрдӕ дарын, — зӕгъы Адӕмон фронты регионалон штабы уӕнг ӕлдаттаты Алан.

Бӕдтиаты Оксанӕ

ОСТАВЬТЕ ОТВЕТ

Please enter your comment!
Please enter your name here