Сӕхи сӕрӕнӕй равдыстой

0
13

Стъараполы къах-къухӕй хӕстӕй цыдысты Раджаб Раджабовы номарӕн ӕппӕтуӕрӕсеон  ерыстӕ.

Сӕ хъару ӕмӕ арӕхстдзинад радисынмӕ Стъараполмӕ ӕрцыдысты Уӕрӕсейы 23 регионы 600 спортсмены.

Ерыстӕ цыдысты ас спортсментӕ ӕмӕ кӕстӕр фӕсивӕды ‘хсӕн.

Кӕстӕртӕ сӕ азтӕм гӕсгӕ дихгонд уыдысты ӕртӕ карыл: 12-13,         14-15 ӕмӕ 16-17-аздзыдтӕ.

РЦИ-Аланийы командӕйы сӕйраг тренер Дзитойты Артур куыд зӕгъы, афтӕмӕй ерыстӕ цыдысты тынг зӕрдӕрайгӕ уавӕры. Спортсментӕ ӕмӕ сӕ тренертӕ ӕмхуызонӕй дзырдтой нӕ фӕсивӕды ‘хсӕн хӕлардзинад фидар кӕныны мадзӕлттыл ӕмӕ уый раст у. Турнирӕн йӕ ном дӕр «Хӕлардзинады кубок» уымӕн схуыдтой.

Ирыстойнаг спортсментӕ алы кары дӕр уыдысты хуыздӕртимӕ.

12-13-аздзыд богӕлтты ‘хсӕн 3-аг бынат бацахста Джаджиты Амур (60 кг), 14-15-аздзыд спортсменты ерысты — Зураты Сослан (60 кг) ӕмӕ Руслан Куготов (65 кг) дӕр бацахстой 3-аг бынӕттӕ.

16-17-аздзыд богӕлтты ерысы фесгуыхт Таймураз Попов. Уый 1-аг бынат бацахста 80 кг онг уӕзы. Ацы кары ма 3-аг бынатмӕ рацыд Хъазиты Ноэль (70 кг).

Ас спортсменты ‘хсӕн ирыстойнӕгтӕй 1-аг бынатмӕ рацыд Солиты Мӕхӕмӕт (абсолютон уӕз). 2-аг бынӕттӕ бацахстой Маусар Долсаев (65 кг) ӕмӕ Хъазиты Арсен (+90 кг ӕмӕ абсолютон уӕзты). 3-аг бынатмӕ та рацыд Ахмед Сатаев (90 кг).

ОСТАВЬТЕ ОТВЕТ

Please enter your comment!
Please enter your name here