Адӕмты хӕлар ахастдзинӕдтӕн

0
21

Зындгонд куыд у, афтӕмӕй ӕрӕджы бӕрӕггонд цыд, фыццаг Ирон минӕварад Бетъырбухмӕ ӕрвыст куы ӕрцыд, уыцы цауы 270 азы юбилей.

Уыцы зӕрдылдарӕн историон цауы фӕдыл бирӕ алыхуызон мадзӕлттӕ арӕзт ӕрцыд Уӕрӕсейы ӕмӕ Ирыстоны дӕр.

Бӕрӕгбоны мадзӕлттӕ бацӕттӕ кӕныны хъуыддагмӕ стыр бавӕрӕн бахастой, Республикӕ Хуссар Ирыстонӕн Мӕскуыйы цы Минӕварад ис, уый кусджытӕ дӕр. Уыцы ӕууӕл хынцгӕйӕ, стӕй Уӕрӕсе ӕмӕ Ирыстоны адӕмты ‘хсӕн хӕлардзинад фидардӕр кӕныны хъуыддагмӕ стыр бавӕрӕны тыххӕй Президент Бибылты Анатолийы Указӕй юбилейон майдан «Бетъырбухы фыццаг Ирон минӕварады 270 азы»-йӕ хорзӕхджын ӕрцыдысты Минӕварады уынаффӕгӕнӕг — минӕвар Джиоты Ӕхсар, информацион политикӕйы фӕдыл уынаффӕгӕнӕг Уалыты Зарӕ ӕмӕ консулон фарстыты фӕдыл уынаффӕгӕнӕг Денис Долгушев.

Паддзахадон хӕрзиуджытӕ дӕтгӕйӕ, Бибылты Анатоли Минӕварады кусджытӕн бузныг загъта сӕ зӕрдиаг куысты тыххӕй.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here