Административон ивартӕ

0
13

Цӕмӕй цӕгатирыстойнаг фӕлхасгӕнджытӕ хардзгонд электрон тыхы аргъ афоныл фидой, уымӕн ахъазгӕнӕг мадзӕлттӕ ӕххӕст кӕнынц компани «Цӕгкавказэнерго»-йы кусджытӕ.

Энергетиктӕ пайда кӕнынц закъонӕвӕрынады ӕппӕт гӕнӕнтӕй дӕр. Ӕрмӕст сентябры хӕсты тыххӕй электрон тыхӕй Дзӕуджыхъӕуы цухгонд ӕрцыдысты 40 адӕймаджы.

«Россети Цӕгат Кавказ»-ы энергетиктӕ ӕрбахуыдтой телеуынынады кинооператорты ӕмӕ барадхъахъхъӕнӕг оргӕнты кусджыты ӕмӕ рейд скодтой Дзӕуджыхъӕуы Абайты Васойы уынджы.

Хӕсдарджытӕй бирӕтӕ сӕ хӕдзӕртты цур ахӕм делегаци фенын ӕнхъӕл нӕ уыдысты. Ӕнӕ электрон тыхӕй баззайынӕй чи фӕтарст, уыдонӕй иуӕй-иутӕм сӕ хӕс бафидынӕн ӕхца уайтагъд разынд.

Электрон тыхӕй кӕй фӕцух кодтой, уыцы хӕдзӕртты хицӕуттӕй иу электрон тыхы аргъ кӕй никуы бафыста, уый бирӕ цӕуылдӕрты дзурӕг у. Энергетиктӕ йӕ электрон тыхӕй фӕцух кодтой цалдӕр хатты, фӕлӕ та-иу йӕ хӕдзармӕ электрон тых ӕнӕзакъонӕй бауагъта. Энергокомпанийы специалисттӕ хӕдзары хицауыл барадхъахъхъӕнӕг оргӕнтӕм бахъаст кодтой, ӕмӕ йын йӕ хъуыддаг ӕвзары тӕрхондон. Фидгӕ йын ӕрцӕудзӕн ӕрмӕст йӕ хӕс нӕ, фӕлӕ ма административон ивар дӕр.

Хӕсдарджытимӕ ӕмбарынгӕнӕн куыстӕй куы ницы фӕуайы, уӕд энергетиктӕ спайда кӕнынц цӕхгӕр мадзӕлттӕй.

Рейды архайджытӕ бабӕрӕг кодтой 40 хӕдзарӕй фылдӕр. Стыр хӕстӕ дарӕг 14 адӕймаджы цӕрӕнуӕттӕ электрон тыхӕй фӕцух кодтой, иннӕтӕ та сӕ хӕстӕ бафыстой.

«Россети Цӕгат Кавказ»-ы пресс-службӕ

ОСТАВЬТЕ ОТВЕТ

Please enter your comment!
Please enter your name here