Республикӕйы Сӕргълӕууӕджы арфӕтӕ — дунейы чемпионаты архайджытӕн

0
24

Цӕгат Ирыстоны Сӕргълӕууӕг Битарты Вячеслав фембӕлд уӕгъдибар хъӕбысхӕстӕй ацы азы дунейы чемпионаты архайджытимӕ.

Зындгонд куыд у, афтӕмӕй чемпионат цыд Казахстаны, горӕт Нурсултаны. Ерысты архайдтой 500 спортсменӕй фылдӕр 79 бӕстӕйӕ. Уӕрӕсейы иугонд командӕйы сконды хӕцыдысты не ‘мзӕххонтӕ дӕр. Афтӕ, Байаты Давид ӕмӕ Сидахъаты Зауырбег систы чемпионаты уӕлахиздзаутӕ, Найфонты Артур та рамбылдта бронзӕ майдан.

Республикӕйы разамонӕг ахӕм ӕнтыстдзинады фӕдыл арфӕ ракодта спортсментӕ ӕмӕ тренертӕн.

— Нӕ республикӕйы спортуарзджытӕ цымыдисӕй кастысты чемпионатӕй репортажтӕм, зӕрдиагӕй цин кодтой уӕ дӕсны архайдыл. Бузныг уын зӕгъын, уӕ райгуырӕн Ирыстоны, ӕппӕт Уӕрӕсейы кад кӕй бахъахъхъӕдтат ӕмӕ спортыл ӕнувыд адӕмы зӕрдӕтӕ радон хатт кӕй барухс кодтат, уый тыххӕй. Дызӕрдыг нӕ кӕнын, фидӕны уӕм ноджы стырдӕр ӕнтыстытӕ кӕй ӕнхъӕлмӕ кӕсы, ууыл, — йӕ ныхасы фӕбӕрӕг кодта Битарты Вячеслав.

Республикӕйы Сӕргълӕууӕджы хъуыдымӕ гӕсгӕ, спортивон уӕлахизтӕм фӕндаг ӕнцон никуы вӕййы. Ӕрмӕстдӕр удӕй фидар ӕмӕ хъомысджын адӕймаг бафӕраздзӕн ахӕм ӕвзарӕнтӕн. Битарты Вячеслав сӕрмагондӕй арфӕ ракодта хъӕбысхӕцджыты тренертӕ ӕмӕ ныййарджытӕн дӕр.

Уый фӕстӕ Битарты Вячеслав спортсментӕ ӕмӕ тренертӕн балӕвар кодта ӕхцайы сертификаттӕ. Уымӕй уӕлдай, республикӕйы Сӕргълӕууӕджы къухтӕй дунейы чемпион Байаты Давид райста ног фатеры дӕгъӕлтӕ.

Фембӕлды архайдтой Цӕгат Ирыстоны Хицауады Сӕрдары хӕдивӕг Иринӕ Азимова ӕмӕ республикӕйы физикон культурӕ ӕмӕ спорты министр Хуыгаты Алан.

РЦИ-Аланийы Сӕргълӕууӕджы ӕмӕ Хицауады пресс-службӕ

 

ОСТАВЬТЕ ОТВЕТ

Please enter your comment!
Please enter your name here