Кадджын хӕрзиуӕг — Юрий Василенкойӕн

0
36

Дзӕуджыхъӕуы завод «Радугӕ»-йы кусӕджы схорзӕхджын кодтой майдан «Ирыстоны намысӕн»-ӕй — Юрий Василенко фӕндзай азӕй фылдӕр фӕллой кӕны промышленнон куыстуӕтты.

Бавналӕн зынтӕй кӕдӕм ис, ахӕм бынӕтты-иу банывыл кодта вазыгджын хӕйттӕ ӕмӕ зынаргъ кусӕнгӕрзтӕ. Индикатортӕ ӕмӕ микроскопон къӕйты ӕххуысӕй ӕххӕст кодта кординатон быраузилынад.

Фарон Юрий Василенко базыдта быраузилынады ног фӕтк. Быраузилынады куыст фенцондӕр ӕмӕ фӕхуыздӕр кӕнынӕн бахаста цалдӕр фӕндоны.

Фӕллойы ветеран ныр дӕр кусы разӕнгардӕй, йӕ хӕслӕвӕрдтӕ ӕххӕст кӕны уӕлдайджынтӕй, агуры ног мадзӕлттӕ. У фӕсивӕды зондамонӕг. Цалдӕр хатты йӕ бахастой гом акционерон ӕхсӕнад «Радугӕ»-йы Кады фӕйнӕгмӕ, схорзӕхджын ӕй кодтой Кады грамотӕтӕй.

— Йӕ кадджын хӕрзиуӕджы тыххӕй йын арфӕ кӕнын. Ацы хӕрзиуӕг нымад у фӕллойадон ӕнтыстдзинӕдты ӕвдисӕныл. Фӕллойы ветеранӕн мӕ зӕрдӕ зӕгъы ног ӕнтыстдзинӕдтӕ, — Юрий Василенкойӕн майдан дӕтгӕйӕ, загъта нӕ республикӕйы промышленност ӕмӕ транспорты министр Хайдарбек Бутов.

Аннӕ Катольянц

ОСТАВЬТЕ ОТВЕТ

Please enter your comment!
Please enter your name here