Программӕтӕ кусын райдайдзысты

0
21

Цӕгат Ирыстоны ӕнӕниздзинад хъахъхъӕнынады министр Годжыцаты Тамерланы ныхасмӕ гӕсгӕ, иннӕ аз нӕ республикӕ ӕххӕст кӕнын райдайдзӕн программӕтӕ «Земский доктор» ӕмӕ «Земский фельдшер».

— Ам чи баззайа, уыцы специалисттӕн бындур сӕвӕрыны тыххӕй иннӕ аз программӕтӕ «Земский доктор» ӕмӕ «Земский фельдшер» ӕххӕст кӕнын райдайдзыстӕм. Нӕ регионы хъӕуынц цыфӕнды кары специалисттӕ дӕр, фӕлӕ бинонтӕ саразынмӕ ӕмӕ ам ӕрцӕрынмӕ цӕттӕ чи у, программӕты архайыны бар фыццаджыдӕр уыдзӕн ахӕм ӕрыгон специалисттӕн, — загъта министр.

Программӕ «Земский доктор» Уӕрӕсейы кусы 2012 азӕй нырмӕ. Проектмӕ гӕсгӕ, хъӕумӕ цы дохтыр ацӕуы, уымӕн радих кӕнынц милуан сомы. Йӕ хӕс у уым фондз азы бакусын.

Национ проект «ӕнӕниздзинад хъахъхъӕнынад» куыд амоны, афтӕмӕй 2024 азмӕ кусынхъом адӕмы мӕлынады къӕпхӕн хъӕуы фӕкъаддӕр кӕнын, райдиан медицинон-санитарон ӕххуыс кӕм хъӕуы, уыцы медицинон кусӕндӕтты кадрты кадавардзинад хъӕуы аиуварс кӕнын, афӕдзы дӕргъы ӕппынкъаддӕр иу хатт профилактикон медицинон иртасынад ӕппӕт адӕмыл цӕмӕй ӕххӕсса, уымӕн та хъӕуы фадӕттӕ саразын. 2019-2024 азты нацпроект сӕххӕст кӕнынӕн радих кӕндзысты 1,7 триллион сомӕй фылдӕр.

ОСТАВЬТЕ ОТВЕТ

Please enter your comment!
Please enter your name here