Цӕстдард — адӕмы тыхстаг фарстытӕм

0
11

Дзӕуджыхъӕуы муниципалон сконды сӕргълӕууӕг Икъаты Русланбегӕн фембӕлд уыд горӕты цӕрджытимӕ.

Горӕтӕгтӕ Икъайы-фыртмӕ цы тыхстаг фарстытимӕ ӕрбацыдысты, уыдонӕн сӕ фылдӕр хай баст уыд горӕты фӕлгонцад ӕмӕ цӕрӕнуӕтты-коммуналон хӕдзарады ӕнӕкъуыхцы куыстимӕ.

Зӕгъӕм, Къесаты Астаны уынджы 37-39-ӕм хӕдзӕртты цӕрджытӕ бахъаст кодтой, сӕ рахизӕнты тротуартӕ кӕй нӕй, ӕмӕ адӕм транспорты фӕндагыл цӕуын кӕй бахъӕуы, уымӕй. Уымӕй уӕлдай, Хӕдарцы-фырты уынджы иуӕй-иу участоктӕ асфальтӕй ӕмбӕрзт кӕй не сты, уымӕ гӕсгӕ хӕдтулгӕты иу хай цӕуы кӕртытыл.

Икъаты Русланбег хъастгӕнджытӕн зӕрдӕ бавӕрдта, сӕ хӕдзӕртты размӕ хӕстӕгдӕр рӕстӕг тротуартӕ арӕзт кӕй ӕрцӕудзысты, уымӕй.

Уыцы бон горӕты сӕргълӕууӕгимӕ фембӕлдмӕ ӕрбацыдысты Деметы Нодар, Лолаты Алан, Абайты Валери ӕмӕ иннӕтӕ. Уыдонӕй алкӕй фарст дӕр Икъайы-фырт йӕхимӕ фӕбӕрӕг кодта ӕмӕ бӕлвырд амынддзинӕдтӕ радта горӕты администрацийы структурон дӕлхайӕдты разамонджытӕн.

Дзӕуджыхъӕуы администрацийы пресс-службӕ

ОСТАВЬТЕ ОТВЕТ

Please enter your comment!
Please enter your name here