Хъаспийаг кӕфты нымӕцыл бафтдзӕн

0
20

Хъаспийаг кӕфы 2236 лӕппыны ауагътой ӕрыдоны донмӕ. Ацы мадзал фадат дӕтты РЦИ-Аланийы кӕсӕгты нымӕц фӕфылдӕр кӕнынӕн. Хӕрз цыбыр рӕстӕгмӕ хъуамӕ ног уавӕртыл фӕцахуыр уой ӕмӕ сӕ нымӕц фылдӕрӕй-фылдӕр кӕна.

Хъыгагӕн, ӕнӕрхъуыды адӕм арӕх пайда кӕнынц алыхуызон электрон кӕсагахсӕн фӕрӕзтӕй. Уый аххосӕй сӕфт цӕуы кӕф. Ныр ӕрдзхъахъхъӕнӕг оргӕнтӕ сӕ цӕст дардзысты уыцы хъуыддагмӕ.

Ацы мадзал арӕзт ӕрцыд Ныгуылӕн-Хъаспийаг территориалон управлени «Росрыболовство», цӕгаткавказаг хайад «Главрыбвод» ӕмӕ ӕнӕххӕст бӕрнондзинады организаци «Владтрансстрой»-ы хъӕппӕрисӕй.

Кӕфы лӕппынтӕ ӕрыдоны донмӕ уагъд ӕрцыдысты компенсацион программӕйы фӕлгӕты. Цӕмӕй РЦИ-Аланийы цӕугӕдӕтты кӕсӕгты нымӕц фӕфылдӕр уа, уый тыххӕй арӕзт цӕуынц ӕппӕт мадзӕлттӕ дӕр.

«Главрыбвод»-ы цӕгат-кавказаг хайады хицауы хӕдивӕг Хуыгаты Игорь куыд загъта, афтӕмӕй ма афӕдзы кӕронмӕ Терчы донмӕ сӕ зӕрды ис ауадзын 50 мин кӕфы лӕппыны.

Хъойбайты Галинӕ

ОСТАВЬТЕ ОТВЕТ

Please enter your comment!
Please enter your name here