Майдан «Ирыстоны намысӕн» — Хуыгаты Надеждӕйӕн

0
9

Мӕздӕгмӕ сӕ балцы рӕстӕг Цӕгат Ирыстоны Ветеранты советы минӕвӕрттӕ йӕ хӕдзары бабӕрӕг кодтой Фыдыбӕстӕйы Стыр хӕсты архайӕг, 96-аздзыд Хуыгаты Надеждӕ Григорийы чызджы.

Сӕ зӕрдӕбын фембӕлды рӕстӕг Ветеранты советы сӕрдар Къаболаты Солтан РЦИ-Аланийы Сӕргълӕууӕг Битарты Вячеславы амынддзинадмӕ гӕсгӕ Хуыгаты Надеждӕйӕн радта майдан «Ирыстоны намысӕн». Уыцы хӕрзиуӕг Надеждӕйӕн саккаг кодтой йӕ хӕстон сгуыхтдзинӕдтӕ ӕмӕ йӕ арфӕйаг фӕллойадон архайды тыххӕй.

Хуыгаты Надеждӕ у Фыдыбӕстӕйы Стыр хӕсты архайӕг, йӕ хӕстон ӕмбӕлттимӕ немыцаг фашисттӕй хъахъхъӕдта Кавказ. Хӕсты фӕстӕ азты Надеждӕ ӕмӕ йӕ сӕрыхицау Хазби Собыкъайы фырт удуӕлдай куыст кодтой хӕстӕфхӕрд хъӕууон хӕдзарад ногӕй йӕ къӕхтыл слӕууын кӕныныл. Ӕмӕ кӕд ныр Надеждӕ Григорийы чызгыл дзӕвгар азтӕ цӕуы, уӕддӕр зӕрдиагӕй архайы Ветеранты советы куысты, арӕх ӕмбӕлы рӕзгӕ фӕлтӕры минӕвӕрттимӕ.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here