Ӕмархайды фарстытыл ӕрдзырдтой

0
12

Ацы бонты Дзӕуджыхъӕуы кусӕг балцы уыд Экологон, технологон ӕмӕ атомон цӕстдарды федералон службӕйы Кавказаг управленийы разамонӕг Халидбег Алхасов. Знон управленийы разамонӕгимӕ фембӕлд Цӕгат Ирыстоны Сӕргълӕууӕг Битарты Вячеслав.

Фембӕлды архайдта управленийы разамонӕджы хӕдивӕг Цалиты Алан дӕр. Уӕвгӕ, Цалийы-фырт управленийы разамонӕджы хӕстӕ ӕххӕст кодта 2018 азӕй фӕстӕмӕ ӕмӕ йӕ ныр уыцы бынаты сфидар кодтой. Уый фӕдыл Битарты Вячеслав Цалиты Аланӕн арфӕ ракодта.

Халидбег Алхасов куыд  радзырдта, афтӕмӕй Цалийы-фырт йӕ цӕст дары, Кавказаг управленийӕн Цӕгат Ирыстоны цы фондз хайады ис, уыдоны куыстмӕ. Уыимӕ, Халидбег Алхасовы ныхасмӕ гӕсгӕ, йӕ ног хӕдивӕг ӕвдисы профессионалон дӕсныдзинад ӕмӕ ӕргом ӕмархайд кӕны хицаудзинады республикон оргӕнтимӕ дӕр.

Фембӕлды архайджытӕ ӕрдзырдтой цӕрӕнуӕтты-коммуналон хӕдзарады объекттӕ зымӕгмӕ цӕттӕдзинады, завод «Электроцинк» сӕхгӕныны фӕдыл ӕппӕт нысангонд мадзӕлттӕ ӕххӕст кӕнын ӕмӕ ӕндӕр ахсджиаг фарстытыл.

— Зӕгъӕм, зымӕгмӕ цӕттӕдзинады мадзӕлттӕм управленийы кусджыты ‘рдыгӕй уыд бӕстон цӕстдард. Ивгъуыд аз республикӕйы артаджы-энергетикӕйы комплексы ӕппӕт объекттӕ дӕр афойнадыл райстой зымӕгмӕ цӕттӕдзинады ӕвдисӕндартӕ. Уыцы фӕткы бындурыл кусӕм ацы аз дӕр,—  кӕронбӕттӕны фӕнысан кодта Битарты Вячеслав.

РЦИ-Аланийы Сӕргълӕууӕджы ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here