Театрты бастдзинӕдтӕ уыдзысты ӕнгомдӕр

0
14

Цӕгат Ирыстоны Тӕбӕхсӕуты Балойы номыл паддзахадон академион театр ӕмӕ Хуссар Ирыстоны Хетӕгкаты Къостайы номыл паддзахадон драмон театры минӕвӕрттӕ бафыстой ӕмгуыстады бадзырд.

Бадзырд бафыстой дыууӕ театры разамонджытӕ Колыты Владислав ӕмӕ Дзуццаты Тамерлан Дзӕуджыхъӕуы сӕ фембӕлды рӕстӕг. Документы куыд загъд ис, афтӕмӕй дыууӕ сфӕлдыстадон коллективы ӕнгом ӕмгуыстад кӕндзысты национ культурӕйы хӕзнатӕ хъахъхъӕнын ӕмӕ театралон аивады дарддӕры райрӕзтӕн уӕлӕмхасӕн мадзӕлттӕ аразыны хъуыддаджы. Уыимӕ, дыууӕ театры коллективтӕн фылдӕр фадӕттӕ уыдзӕн кӕрӕдзийы фӕлтӕрддзинадимӕ зонгӕ кӕнын, стӕй иумӕйаг аивадон проекттӕ ӕххӕст кӕнынӕн.

Зындгонд куыд у, афтӕмӕй ацы бонты Хуссар Ирыстоны паддзахадон театр гастролон балцы ис Дзӕуджыхъӕуы. Тӕбӕхсӕуты Балойы номыл театры артисттӕ та Цхинвалмӕ абалц кӕндзысты фидӕн азы апрелы.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here