Зындгонд тренеры кадӕн

0
10

Дзӕуджыхъӕуы цыдысты Уӕрӕсейы сгуыхт тренер Дулаты Казимӕйы номарӕн Кубок рамбулыныл ерыстӕ.

Цӕгат ӕмӕ Хуссар Ирыстоны республикӕтӕй уӕлдай ма ерысты архайдтой Стъараполы ӕмӕ Краснодары командӕтӕ дӕр. Ӕдӕппӕтӕй сӕ арӕхстдзинад ӕвдыстой 115 чызджы.

Ерыстӕ цыдысты ӕртӕ къорды ‘хсӕн. Ӕппӕты кӕстӕр гимнасттӕ сӕ арӕхстдзинад ӕвдыстой фыццаг разряды программӕйы, иннӕ къорды уыдысты, спорты мастермӕ кандидатты программӕйы чи ерыс кодта, уыдон, ӕртыккаджы та ерыс кодтой спорты мастертӕ. Фыццагразрядонтӕ дихгонд уыдысты 2007, 2008 ӕмӕ 2009 азты гуырдтыл. Ӕппӕты кӕстӕрты (2009 азы гуырд) ӕхсӕн фыццаг ӕртӕ бынаты бацахстой ирыстойнаг чызджытӕ Мӕргъиты Алинӕ, Хъайтыхъты Ланӕ, ӕмӕ Бӕдтиаты Даниелӕ.

2008 азы гуырд чызджыты ‘хсӕн фыццаг бынат бацахста краснодайраг спортсменкӕ Варвара Пустыльникова, дыккаг ӕмӕ ӕртыккаг та уыдысты ирыстойнаг чызджытӕ Виктория Захарова ӕмӕ Уаниты Маринӕ.

2007 азы гуырд чызджыты ‘хсӕн ӕртӕ фыццаг бынаты бацахстой ирыcтойнӕгтӕ Гусаты Элинӕ, Атайты Виктория, Дзампаты Аланӕ.

Спорты мастермӕ кандидаты программӕйы чи ерыс кодта, уыдон дӕр дихгонд уыдысты ӕртӕ карыл. Ам 2005 азы гуырд чызджыты ерысы ӕртӕ фыццаг бынаты бацахстой дзӕуджыхъӕуккаг гимнасткӕтӕ Вероника Старовая, Валерия Самойлова ӕмӕ Сохиты Миленӕ.

2006 азы гуырд чызджыты ‘хсӕн дӕр фыццаг ӕртӕ бынатмӕ рацыдысты ирыстойнӕгтӕ Вероникӕ Трушина, Биасты Иринӕ ӕмӕ Бураты Аринӕ.

2007 азы гуырд спортсменты ‘хсӕн ерысы фыццаг ӕмӕ дыккаг бынӕттӕ бацахстой Гадзаонты Аминӕ ӕмӕ Цырыхаты Дзерассӕ, ӕртыккаг та ссис краснодайраг чызг Алинӕ Птухина.

Уӕлдай цымыдисагдӕр рауад спорты мастеры домӕнтӕм гӕсгӕ цы чызджытӕ ерыс кодтой, уыдоны архайд. Тренер Дзугаты Альбинӕйы хъомылгӕнинаг Маргаритӕ Билимович ныртӕккӕ у аивадон гимнастикӕйӕ Ирыстоны командӕйы раздзог. Фӕстаг рӕстӕг Маргаритӕ ӕнтыстджынӕй архайдта ӕртӕ дунеон ерысты. Израилы дунеон турниры рамбылдта дыууӕ сыгъзӕрины ӕмӕ ӕртӕ ӕвзист майданы, Гуырдзыстоны цы дунеон турниры архайдта, уым хорзӕхджын ссис цыппар сыгъзӕрины ӕмӕ иу ӕвзист майданӕй. Казахстаны та рамбылдта фондз сыгъзӕрин хӕрзиуӕджы. Дулаты Казимӕйы номарӕн ерысты дӕр Маргаритӕ уыди зынгӕ тыхджындӕр йӕ ныхмӕлӕуджытӕй ӕмӕ бацахста фыццаг бынат. Дыккаг ӕмӕ ӕртыккаг бынӕттӕм дӕр рацыдысты ирыстойнаг тренер Иннӕ Никитинайы хъомылгӕнинӕгтӕ Туаты Аделинӕ ӕмӕ Бесолты Алинӕ.

Дулаты Казимӕйы номарӕн турниры ӕмӕ  РЦИ-Аланийы Кубок рамбулыныл ерысты фыццаг ӕртӕ бынаты чи бацахста, уыдон ма майдантӕ, кубоктӕ ӕмӕ дипломтӕй уӕлдай балцӕгтӕ райстой зоналон ӕмӕ ӕндӕр бӕрнон ерыстӕм.

БАСКАТЫ Уырызмӕг

ОСТАВЬТЕ ОТВЕТ

Please enter your comment!
Please enter your name here