Амалиуӕгадӕн — ӕххуыс

0
20

Уӕрӕсейы Экономикон рӕзты министрад фӕндӕттӕ ӕмбырд кӕнын райдыдта национ проект «Чысыл ӕмӕ рӕстӕмбис амалиуӕгад, стӕй хицӕн адӕймаджы амалиуӕгадон хъӕппӕрис»-мӕ.

Уӕрӕсейы амалиуӕгадон фӕткӕвӕрд банывыл кӕныны национ проекты хӕс у бизнесӕн ӕххуыс кӕнын. Чысыл ӕмӕ рӕстӕмбис амалиуӕгады къабазы чи архайы, уыдоны нымӕц хъуамӕ 2024 азмӕ фӕфылдӕр уа 25 милуаны онг. Бӕстӕйы иумӕйаг мидбӕстон продуктмӕ хауӕг чысыл ӕмӕ рӕстӕмбис амалиуӕгады хай хъуамӕ схӕццӕ уа 32 процентмӕ, чысыл ӕмӕ рӕстӕмбис амалиуӕгады экспорты хай та — 10 процентмӕ.

Февралы кӕрон кусын райдыдта тӕккӕ фылдӕр 8,5 проценты бӕрц ставкӕмӕ гӕсгӕ льготон ӕфстӕуттӕ дӕттыны программӕ. Ӕфстау райсӕн ис 90 бӕрнон банчы. Арӕзт ӕрцыд фондты базармӕ чысыл ӕмӕ рӕстӕмбис амалиуӕгады фӕтк. Куыстадон ӕмӕ инновацион компанитӕ саразынӕн кусӕн фӕзтӕ ӕмӕ бӕстыхӕйттӕм льготон уагӕй бацӕуынӕн арӕзт ӕрцыд хорз уавӕртӕ. Хибарӕй архайӕг адӕмӕн цыппар регионы кусын райдыдта хъалонты фӕтк амонӕг фӕлварӕн проект. Иннӕ аз ацы программӕ аххӕсдзӕн ноджыдӕр ма 19 регионыл, фӕстӕдӕр та — ӕппӕт бӕстӕйыл.

Адӕймагӕн ис кусӕнгӕрзтӕ льготон лизингы фӕрцы райсыны бар. Фермерты, ӕрмдӕсныты ӕмӕ ӕндӕрты рӕзты сӕрмагонд программӕтӕм гӕсгӕ адӕмӕн сӕ бон уыдзӕн паддзахадӕй ӕххуыс райсын. Ацы аз бӕстӕйы алы регионты байгом «иу рудзынджы» уагӕвӕрдмӕ гӕсгӕ кусӕг фӕндзай центры. 2024 азы сӕ нымӕц схӕццӕ уыдзӕн сӕдӕмӕ. Центр «Мӕ амалхъомад» Дзӕуджыхъӕуы байгом уыдзӕн ацы мӕй.

Цы мадзӕлттӕ арӕзт ӕрцыд, кӕд уыдон уӕ амалхъомадӕн фаг не сты, кӕд уӕм чысыл амалхъомады рӕзтӕн ӕмӕ ӕндӕр хъуыддӕгтӕн ахъазгӕнӕг фӕндӕттӕ ис, уӕд сӕ барвитут Уӕрӕсейы экономикон рӕзты министрадмӕ. Цы хъуыдытӕ йӕм бацӕуа, уыдоныл министрад ӕхсӕнадимӕ биноныг ӕрныхас кӕндзӕн ацы мӕй.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here