Куыстуатмӕ — экскурси

0
21

Ахуырадон прект «Инженер — фидӕны дӕсныйад»-ы радон хай арӕзт ӕрцыд Дзӕуджыхъӕуы. Проект у Цӕгат Ирыстоны Промышленност ӕмӕ транспорты министрады, стӕй ацы ведомствӕйы ӕхсӕнадон советы ӕмгуыстады бӕрӕггӕнӕн. Кусын райдыдта фарон декабры ӕмӕ уӕдӕй нырмӕ сарӕзтой 3 ахуырадон хайы.

Ацы хатт фембӕлды архайдтой Алагиры 5-ӕм астӕуккаг скъолайы ахуырдзаутӕ. Цӕмӕй скъоладзаутӕ инженеры дӕсныйадимӕ хӕстӕгдӕр базонгӕ уой, уый тыххӕй сын Цӕгат Кавказы хӕххон-металлургон институты электромеханикон, информацион технологиты, архитектурон-арӕзтадон, хӕххон-металлургон ӕмӕ биотехнологийы факультеттӕм сарӕзтой экскурси, стӕй сын равдыстой ахуыргӕнӕндоны музей. Фӕсивӕдӕн уыд институты ахуыргӕнджытимӕ аныхас кӕныны фадат.

Фӕстӕдӕр скъоладзауты базонгӕ кодтой ахуырадон къабӕзтимӕ, стӕй сын сывӕллӕтты технопарк «Кванториум»-ы сарӕзтой экскурси.

Фидӕны дӕсныйадимӕ дарддӕр зонгӕ кодтой республикон куыстуат «Бавари»-йы. Фӕсивӕдӕн равдыстой цехтӕ ӕмӕ сын радзырдтой куыстадӕн хъӕугӕ дӕсныйӕдты тыххӕй. Куыстуаты специалисттӕ бацархайдтой инженеры дӕсныйады хорздзинӕдтӕ ахуырдзаутӕн равдисыныл.

— Инженеры дӕсныйад у базарады домӕнты аккаг. Куыстуат кӕмӕй пайда кӕны, уыцы роботтӕ рӕхджы ӕппӕт уӕнгдых куыстытӕ дӕр сӕхимӕ райсдзысты. Машинӕтӕ аразынӕн ӕмӕ сын лӕггад кӕнынӕн бахъӕудзӕн дӕсны инженертӕ. Мӕн фӕнды, цӕмӕй ног технологитӕ бамбарат ӕмӕ дзы ӕнтыстджынӕй пайда кӕнат, — фӕсивӕдӕн загъта РЦИ-Аланийы промышленност ӕмӕ транспорты министр Хайдарбек Бутов.

Проект ӕххӕстгонд цӕуы дарддӕр.

Аннӕ Катольянц

ОСТАВЬТЕ ОТВЕТ

Please enter your comment!
Please enter your name here