Ныййарӕджы капиталы фӕрӕзтӕй

0
25

Цӕгатирыстойнаг бинонтӕй ныййарӕджы капиталы тыххӕй сертификаттӕ чи райста, уыдонӕй ныридӕгӕн 32 мины спайда кодтой уыцы программӕйы фӕрӕзтӕй.

УФ-йы Пенсион фонды Цӕгат Ирыстоны хайады бӕрӕггӕнӕнтӕм гӕсгӕ, уыцы адӕмӕн сӕ фылдӕр хай, ома, 19 570 бинонтӕ сертификаты фӕрӕзтӕ схардз кодтой сӕ царды уавӕртӕ фӕхуыздӕр кӕныныл (уыцы нысанӕн сын Пенсион фонд радих кодта 7,7 миллиард сомы). 11 470 бинонтӕн ныййарӕджы капиталы фӕрӕзтӕ феххуыс сты цӕрӕнуатон ӕфстӕуттӕ ӕхгӕныны хъуыддаджы дӕр (уыцы нысанӕн дихгонд ӕрцыд 4,5 миллиард сомы бӕрц).

1 652 бинонтӕ уыцы фӕрӕзтӕ схардз кодтой сӕ сывӕллӕтты ахуырадыл (радих сын кодтой 119,5 милуан сомы).

Зындгонд куыд у, афтӕмӕй 2018 азы 1 январӕй фӕстӕмӕ капиталы фӕрӕзты иу хай райсӕн ис ӕрвылмӕйон паддзахадон ӕххуысы дӕр. Ахӕм фадат фӕзынд цыбыркъух бинонтӕн. Ӕмӕ уыцы гӕнӕнӕй ныридӕгӕн спайда кодтой 358 бинонтӕ. Уыдонӕн ахӕм паддзахадон ӕххуысы хуызы УФ-йы Пенсион фонды Цӕгат Ирыстоны хайад радих кодта 29 милуан сомӕй фылдӕр.

Бӕрӕг куыд у, афтӕмӕй ныййарӕджы капиталы тыххӕй паддзахадон программӕ ӕххӕстгонд цӕуы 2007 азӕй фӕстӕмӕ. Уӕд ныййарӕджы капиталы фӕрӕзты бӕрц уыд 250 мин сомы. Ныртӕккӕ уыцы бӕрц у 453 026 сомы. 2020 азы та сертификаты «аргъ» уыдзӕн 466 617 сомы.

Кънаттаты Маринӕ

ОСТАВЬТЕ ОТВЕТ

Please enter your comment!
Please enter your name here