Дӕсныйад райсынӕн

0
29

Национ проект «Демографи»-йы федералон проект «Хистӕр фӕлтӕр»-мӕ гӕсгӕ ацы аз мартъийӕ фӕстӕмӕ цӕдис «Ворлдскиллс Уӕрӕсе» Адӕмӕн куыстдӕттӕг федералон службӕйы ӕххуысӕй ӕххӕст кӕны сӕрмагонд программӕ.

Уымӕ гӕсгӕ пенсийы агъоммӕ кары алы адӕймагӕн дӕр ис дунеон стандарттӕм гӕсгӕ профессион ахуырад кӕнӕ уӕлӕмхасӕн профессион ахуырад райсыны бар.

Уыцы ахуырад нӕ республикӕйы ӕххӕст кӕнынц: Цӕгат Кавказы аграрон-технологион колледж, Елхоты бирӕкъабазджын колледж ӕмӕ Дзӕуджыхъӕуы электроникӕйы колледж. Пенсийы агъоммӕ кары адӕмы ахуыр кӕнынц ирон чъиритӕ фыцыны, модӕйы технологийы, сисамайӕджы, ӕндадзӕн технологиты, электромонтажы, хӕдтулгӕтӕ цалцӕггӕнӕг слесыры, графикон дизайн ӕмӕ ӕндӕр дӕсныйӕдтыл.

Программӕйы хӕс у, фӕллойы базары ерыс кӕнынӕн фадӕттӕ чи сараздзӕн, ахӕм уӕлӕмхасӕн профессион ахуырады фӕрцы пенсийы агъоммӕ кары адӕмӕн куыст раттынӕн ахъаз кӕнын. Ахсджиаг фиппаинаг: уыцы кары адӕм ахуырад исынц лӕвар

Ӕ рӕджы пенсийы агъоммӕ кары къорд адӕймаджы Цӕгат Кавказы аграрон-технологон колледжы ахуырад райстой «Графикон дизайн» ӕмӕ «ӕндадзӕн технологитӕм» гӕсгӕ. «Хъӕууонхӕдзарадон машинӕтӕй пайдагӕнынад»-мӕ гӕсгӕ Елхоты бирӕкъабазджын колледжы чи сахуыр кодта, уыдон та райстой хъӕууонхӕдзарадон машинӕтӕ цалцӕггӕнӕг слесыры дӕсныйад. Ӕппӕт рауагъдонтӕ дӕр фӕлварӕн радтой «Ворлдскиллс»-ы стандарттӕм гӕсгӕ.

ГӔЛӔУТЫ Наталья

ОСТАВЬТЕ ОТВЕТ

Please enter your comment!
Please enter your name here