Энергетикӕйы къабаз куыд цӕттӕ у зымӕгмӕ?

0
19

Цӕгат Ирыстоны Хицауады Сӕрдары хӕдивӕг Фадзайты ӕхсарбег цы уӕрӕх ӕмбырд сарӕзта, уый архайджытӕ ӕркастысты, республикӕйы энергетикон комплексы объекттӕ зымӕгмӕ куыд цӕттӕ сты, уымӕ.

Бӕрнон ведомствӕты минӕвӕрттӕ сӕ дзуаппон докладты куыд радзырдтой, афтӕмӕй Мӕздӕджы, ӕрыдоны ӕмӕ Рахизфарсы районты бынӕттон администрацитӕ территорион энергетикон компанитӕн ныридӕгӕн радтой зымӕгмӕ цӕттӕдзинады паспорттӕ. Иннӕтӕ дӕр ныридӕгӕн уыцы куыстытӕ кӕронмӕ ахӕццӕ кӕндзысты. Федералон нысаниуӕджы компанитӕн та (акционерон ӕхсӕнадтӕ «Оборонэнерго», «Уӕрӕсейы ӕфсӕнвӕндӕгтӕ», «Бесланэнерго», «Севкавказэнерго» ӕмӕ афтӕ дарддӕр) зымӕгмӕ цӕттӕдзинады паспорттӕ ратдзӕн УФ-йы Энергетикӕйы министрад. Куыд загъдӕуыд, афтӕмӕй уыцы куыст дӕр пъланы бындурыл ӕххӕстгонд цӕуы.

Ӕмбырдӕн хатдзӕгтӕ кӕнгӕйӕ, Фадзайты ӕхсарбег куыд фӕнысан кодта, афтӕмӕй, ӕмткӕй райсгӕйӕ, зымӕгмӕ цӕттӕгӕнӕн кампани ацыд пъланмӕ гӕсгӕ. Уыимӕ, фембӕлды архайджытӕ сӕрмагонд ӕргом аздӕхтой хардзгонд энергетикон фӕрӕзтӕн фиддонтӕ афойнадыл кӕныны хъуыддагмӕ дӕр.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here