Скъоламӕ бацӕуӕнтӕ банывыл кодтой

0
18

Ӕрӕджы ӕппӕтуӕрӕсеон адӕмон фронты минӕвӕрттӕ горӕттӕ ӕмӕ хъӕуты уынгтыл ӕрзылдысты ӕмӕ сбӕрӕг кодтой, ахуырадон кусӕндӕтты алыварс фӕндаггон нысантӕ ӕмӕ инфраструктурӕйы иннӕ объекттӕ цы уавӕры сты, уый.

Уыцы ӕппӕтуӕрӕсеон мониторинг «Скъоламӕ фӕндаг»-ы бӕрӕггӕнӕнтӕ фӕстӕдӕр бахыгътой ӕмӕ хъуагдзинӕдтӕ аиуварс кӕныны фӕдыл амынддзинӕдтӕ барвыстой бӕрнон ведомствӕтӕм.

Афтӕмӕй ныридӕгӕн бирӕ скъолатӕм бацӕуӕнтӕ нывылгонд ӕрцыдысты. Ахӕм куыст бакодтой дзӕуджыхъӕуккаг ахуырадон центр «Интеллект»-мӕ бацӕуӕнты дӕр. Адӕмон фронты фиппаинӕгты бындурыл горӕты администрацийы арӕзт ӕрцыд бӕлвырд куыст. Ахуырадон центрмӕ бацӕуӕнты сӕвӕрдтой хъӕугӕ фӕндаггон нысантӕ, банывыл кодтой фистӕг бӕлццӕтты «зебрӕтӕ», кӕм хъуыд, уым ӕрцауыгътой рухсы цырӕгътӕ…

«Ногӕй бабӕрӕг кодтам ахуырадон центры алфамбылай. Фӕндаггон инфраструктурӕйы объекты нывылдзинады цы аиппытӕ рабӕрӕг кодтам, уыдон иуварсгонд ӕрцыдысты. Скъоламӕ ‘ввахс Весенняяйы уынджы ‘рдыгӕй цы светофор ис, уый куыст дӕр фистӕг бӕлццӕтты пайдайӕн фӕивтой, ома, йӕ цъӕх «цӕст» ныр судзы фылдӕр рӕстӕг, — радзырдта адӕмон фронты Цӕгат Ирыстоны регионалон штабы ӕмсӕрдар Тезиаты Таймураз.

Бӕдтиаты Оксанӕ

ОСТАВЬТЕ ОТВЕТ

Please enter your comment!
Please enter your name here