Экскурситӕ — куыстуӕттӕм

0
17

Ӕппӕтуӕрӕсеон адӕмон фронты активисттӕ платформӕ «Уӕрӕсе — фадӕтты бӕстӕ»-йы ӕххуысӕй студенттӕн Дзӕуджыхъӕуы куыстуӕттӕм сарӕзтой экскурситӕ.

Зӕгъӕм, Дзӕуджыхъӕуы бирӕкъабазджын техникумы студенттӕ бабӕрӕг кодтой «Разряд»-ы цехтӕ. Заводы кусджытӕ фӕсивӕды базонгӕ кодтой стробоскопон цырӕгъты технологиимӕ, стӕй сын радзырдтой кварцдымсӕджы дӕсныйады тыххӕй. Ацы дӕсныйад нымад у хъӕугӕдӕртӕй иуыл. Цырагъ дымсыны фӕтк лӕмбынӕг ӕнкъарын кӕй хъӕуы, уымӕ гӕсгӕ йӕ банымайӕн ис сфӕлдыстадон куыстыл. Алы адӕймагӕн йӕ бон ацы куыст бакӕнын нӕу. Уымӕ гӕсгӕ кварцдымсджытӕ «Разряд»-ы нӕ фаг кӕны.

— ӕрыгон специалисттӕ нӕм фаг нӕй. Нӕ кусджытӕ иууылдӕр сты хистӕр фӕлтӕры минӕвӕрттӕ. Раздӕр нӕм-иу профессион-техникон училищӕйы ахуырдзаутӕ практикӕ кодтой, ныр та нӕм кусынмӕ чи ӕрбацӕуы, уыдоны ногӕй ахуыр кӕнын бахъӕуы. Ацы хъуыддаг ӕнцон нӕу, — зӕгъы заводы технологон хайады хицау Раисӕ Хохлова.

Ресторантӕ кӕмӕ хауынц, уыцы иугонд «Меркада Групп»-ы куыстӕн аргъ скӕныны фадат уыди Уӕрӕсейы Хицауады цур Финансон университеты филиалы студенттӕн (адджинӕгты кафетӕй иу — «Винченцо» бабӕрӕг кӕнгӕйӕ). Фӕсивӕдӕн биноныг бацамыдтой, адджинӕгтӕ куыд цӕттӕ кӕнынц, уый. Экскурсийы архайджытӕ базонгӕ сты баристо ӕмӕ бармены дӕсныйӕдты сусӕгдзинӕдтимӕ, стӕй сын равдыстой, хӕдзарон пиццӕ куыд цӕттӕ кӕнынц, уый. Уымӕй уӕлдай ма студенттӕ базонгӕ сты клиенттӕй заказтӕ исӕг автоматикӕйы куыстимӕ.

— Адӕмон фронт ацы проект ӕххӕст кӕны дыккаг аз. Банымайӕн ӕй ис студенты ӕмӕ фидӕны куыстдӕттӕджы ӕмархайды ног хуызыл, — зӕгъы проектмӕ регионалон цӕстдарӕг Медойты Тимур.

Бӕдтиаты Оксанӕ

ОСТАВЬТЕ ОТВЕТ

Please enter your comment!
Please enter your name here