Фыдыбӕстӕ хъахъхъӕнджыты мемориал

0
15

Фыдыбӕстӕ хъахъхъӕнджыты мемориалон комплексы сӕйраг арӕзтадон куыстытӕ ахицӕн уыдзысты 17 декабрмӕ. Уый тыххӕй фехъусын кодта Хуссар Ирыстоны арӕзтады, архитектурӕ ӕмӕ цӕрӕнуӕтты-коммуналон хӕдзарады министр Дзӕгъойты Эдуард.

Зындгонд куыд у, афтӕмӕй мемориалон комплекс арӕзт цӕуы республикӕйы Национ музейы фарсмӕ Тугъанты Махарбеджы уынджы.

Ныртӕккӕ аразджытӕ аивгӕнӕн куыстытӕ кӕм кӕнынц, уыцы скверы ӕрбынӕттон уыдзӕн, йӕ иумӕйаг фӕзуат 7,2 мин квадратон метры кӕмӕн уа, ахӕм номарӕн комплекс. Скверы астӕу сӕвӕрдзысты, уырыссаг ӕмӕ ирон ӕфсӕддонты барельефтӕ конд кӕм уыдзӕн, ахӕм ӕфсӕн конструкци (йӕ бӕрзӕнд уыдзӕн 6 метры, йӕ дӕргъ та 30 метры). Ӕфсӕддонты скульптурӕтӕ арӕзт уыдзысты бронзӕйӕ, ныртӕккӕ сыл кусынц цӕгатирыстойнаг специалисттӕ.

Дзӕгъойты Эдуарды ныхасмӕ гӕсгӕ, подрядон компанийы минӕвӕрттӕ ныртӕккӕ скверы кӕнынц аивгӕнӕн куыстытӕ. «17 декабрмӕ хъуамӕ ӕппӕт аивгӕнӕн куыстытӕ дӕр ӕххӕстгонд ӕрцӕуой. Уый фӕстӕ аразджытӕ ӕвӕрын райдайдзысты скульптурон композици дӕр», — загъта министр.

(Информацион агентад «Рес»)

ОСТАВЬТЕ ОТВЕТ

Please enter your comment!
Please enter your name here