«Ирыстоны ӕвзонгад»: фестивалы уӕлахиздзаутӕ сбӕрӕг сты

0
15

Ивгъуыд майрӕмбоны сбӕрӕг сты фӕсивӕды сфӕлдыстады ӕрвылазон фестивал «Ирыстоны ӕвзонгад»-ы уӕлахиздзаутӕ ӕмӕ лауреаттӕ.

Зындгонд куыд у, афтӕмӕй курдиатджын фӕсивӕды рабӕрӕг кӕнын ӕмӕ сын се сфӕлдыстады райрӕзтӕн хъӕугӕ фадӕттӕ саразыны нысанимӕ республикӕйы иудадзыгдӕр арӕзт цӕуы бирӕ алыхуызон мадзӕлттӕ. Уыдонӕй иу у ацы фестивал дӕр.

Ӕрвылаз дӕр «Ирыстоны ӕвзонгад»-ы сӕ хъарутӕ бавзарынц, 10 азӕй 30 азы онг кӕуыл цӕуы, уыцы курдиатджын фӕсивӕд. Уыимӕ, азӕй-азмӕ рӕзы фестивалы архайджыты нымӕц. Зӕгъӕм, ацы аз фестивалы архайдтой 700 адӕймагӕй фылдӕр.

Фестивалы кӕронбӕттӕны арӕзт ӕрцыд стыр гала-концерт. Уым фехъусын кодтой уӕлахиздзауты ӕмӕ лауреатты нӕмттӕ дӕр.

Жюрийы уынаффӕйӕ фестивалы Гран-при лӕвӕрд ӕрцыд Дзӕуджыхъӕуы аивӕдты колледжы студент Тедеты Азӕмӕтӕн (уый нымад ӕрцыд национ фӕндыры номинацийы уӕлахиздзауыл дӕр).

Афтӕ, ӕппӕт 21 номинацийы дӕр бӕрӕггонд ӕрцыдысты хуыздӕртӕ.

Фестивалы уӕлахиздзаутӕ ӕмӕ лауреаттӕн арфӕ ракодта РЦИ-Аланийы Фӕсивӕды хъуыддӕгты фӕдыл комитеты сӕрдар Джусойты Руслан. «Бузныг зӕгъын фестивалы ӕппӕт архайджытӕн дӕр, зӕрдӕргъӕвдӕй сӕ арӕхстдзинад равдисыныл кӕй бацархайдтой, уый тыххӕй. Сӕрмагонд арфӕйы аккаг сты фестивалы уӕлахиздзаутӕ ӕмӕ лауреаттӕ. Мӕ зӕрдӕ уын зӕгъы ноджы стырдӕр ӕнтыстдзинӕдтӕ!» — фӕнысан кодта Джусойы-фырт.

«Ирыстоны ӕвзонгдзинад»-ы уӕлахиздзаутӕ ӕмӕ лауреаттӕ ныр республикӕйы кад хъахъхъӕндзысты Уӕрӕсейы Фӕсивӕдон дельфийаг хъӕзтыты (уыцы мадзал цӕудзӕн горӕт Омскы).

Джихаты Стэллӕ

ОСТАВЬТЕ ОТВЕТ

Please enter your comment!
Please enter your name here