Ног хӕдтулгӕтӕ — Тагъд медицинон ӕххуысы станцӕйӕн

0
70

Дзӕуджыхъӕуы Тагъд медицинон ӕххуысы станцӕйы автомобилон паркыл бафтыд ӕртӕ ног реанимацион хӕдтулгӕйы.

Ахӕм рӕдау лӕвар станцӕйӕн ӕмӕ, ӕнӕмӕнг, республикӕйы ӕппӕт цӕрджытӕн ракодтой УФ-йы хъахъхъӕнынады министры фыццаг хӕдивӕг Цӕлыккаты Руслан ӕмӕ зындгонд уӕрӕсейаг бизнесмен Олег Дерипаска.

Уыцы ӕхсызгон цауы фӕдыл ӕмбырды архайдтой Цӕгат Ирыстоны Сӕргълӕууӕг Битарты Вячеслав ӕмӕ республикӕйы ӕнӕниздзинад хъахъхъӕнынады министр Годжыцаты Тамерлан.

Битары-фырт станцӕйы кусджытӕн арфӕ ракодта, ног техникон фӕрӕзты хицау кӕй систы, уый фӕдыл ӕмӕ бузныг загъта Цӕлыккаты Русланӕн, йӕ чысыл фыдыбӕстӕйыл алкӕддӕр иузӕрдион кӕй у, уый тыххӕй.

Тагъд медицинон ӕххуысы станцӕйы кусджытӕ республикӕйы Сӕргълӕууӕгмӕ цы куырдиӕттимӕ бахатыдысты, уыдон сӕххӕст кӕныны нысанимӕ бӕлвырд амынддзинӕдтӕ лӕвӕрд ӕрцыд ӕнӕниздзинад хъахъхъӕнынады министрады разамындӕн.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here