Сбӕрӕг кодтой Фыдыбӕстӕйы Хъӕбатырты бон

0
45

Знон Уӕрӕсейы Федерацийы бӕрӕг кодтой Фыдыбӕстӕйы Хъӕбатырты бон.

Уый кадӕн бирӕ мадзӕлттӕ уыд нӕ республикӕйы скъолаты ӕмӕ ӕндӕр рухстауӕн артдзӕстыты. Ветеранты республикон советы уӕнгтӕ, фӕсивӕдон организациты, Стыр Ныхасы минӕвӕрттӕ, студенттӕ ӕмӕ скъоладзаутӕ дидинджытӕ сӕвӕрдтой Дзӕуджыхъӕуы Нымысы аллейы Фыдыбӕстӕйы Стыр ӕмӕ локалон хӕстыты архайджыты ингӕнтыл. Номарӕн мадзал райдыдта Советон Цӕдисы дыууӕ хатты Хъӕбатыр Плиты Иссӕйы ингӕнӕй.

— Райгуырӕн бӕстӕ хъахъхъӕнын кӕддӕриддӕр сӕхицӕн стыр кадыл нымадтой нӕ бӕстӕйы ӕмӕ Ирыстоны цӕрӕг адӕмтӕ. Уыцы арфӕйаг ӕмӕ бӕрнон хӕс нын фыдӕлтӕй баззад. Ӕмӕ нӕм абон цы фӕсивӕд хъомыл кӕны, уыдонӕн нӕ хӕс у, нӕ бӕстӕйы алы рӕстӕджыты хӕстон цауты чи архайдта, чи дзы нал сыздӕхт, не ‘хсӕн ма чи ис, уыцы хъӕбатырты лӕгдзинады тыххӕй дзурын, се сгуыхтытӕ сын дӕнцӕгӕн хӕссын, — йӕ раныхасы загъта ветеранты республикон советы сӕрдары хӕдивӕг Бедойты Руслан. Уый фӕстӕ Ветеранты советы, ӕхсӕнадон ӕмӕ фӕсивӕдон организациты минӕвӕрттӕ дидинджытӕ сӕвӕрдтой Советон Цӕдисы ӕмӕ УФ-йы Хъӕбатырты, Намысы ордены ӕххӕст кавалерты ӕмӕ мидбӕстон быцӕуты архайӕг Хъӕбатырты ингӕнтыл.

Гасанты Валери

Къамтӕ систа Къӕбысты Харитон

ОСТАВЬТЕ ОТВЕТ

Please enter your comment!
Please enter your name here