Бруты сараздзысты ног амбулатори

0
29

Рахизфарсы районы Бруты хъӕуы сараздзысты ног нырыккон амбулатори.

Уый тыххӕй республикӕйы Хицауады радон ӕмбырды фехъусын кодта арӕзтад ӕмӕ архитектурӕйы министры хӕдивӕг Бӕззаты Дмитри.

«Хъӕуы цы амбулатори ис, уый рӕстӕджы домӕнтӕн дзуапп рагӕй нал дӕтты, ныртӕккӕ та ис бынтон кӕлӕддзаг уавӕры. Уыцы ӕууӕл хынцгӕйӕ, уынаффӕ хаст ӕрцыд зӕронд агъуыст акалын ӕмӕ йын йӕ бынаты ног нырыккон амбулатори саразыны фӕдыл», — фӕнысан кодта министры хӕдивӕг.

Зындгонд куыд у, афтӕмӕй ацы азы дӕргъы Арӕзтад ӕмӕ архитектурӕйы министрадӕн фелсырон-акушерон пункттӕ ӕмӕ амбулаториты арӕзтадӕн бюджетӕй радих кодтой 176,7 милуан сомы бӕрц. Уыцы ног медицинон объекттӕ арӕзт ӕрцӕудзысты Бӕтӕхъойы, Михайловскы, Дӕллаг Саниба ӕмӕ иннӕ хъӕуты.

ОСТАВЬТЕ ОТВЕТ

Please enter your comment!
Please enter your name here