Ног азы бӕрӕгбонмӕ

0
23

Дзӕуджыхъӕу цӕттӕ кӕнын райдыдтой Ног азы бӕрӕгбонмӕ. Цӕгат Ирыстоны сӕйраг горӕты администрацийы сӕргълӕууӕг Фӕрниаты Тамерланы бардзырдмӕ гӕсгӕ Дзӕуджыхъӕу саив кӕндзысты 20 декабрмӕ.

Ацы хъуыддаджы бӕрнондзинады сӕйраг хай хауы горӕты центрон уынгтӕм. Дзӕуджыхъӕуы администрацийы ӕмбырды архайджытӕ ӕрныхас кодтой горӕт бӕрӕгбоны уагӕй сфӕлындыны уагӕвӕрдыл.

Ног азы бӕрӕгбоны рӕстӕг адӕм сӕ фӕллад кӕм уадздзысты, уыцы бынӕттӕ цӕуынц аивгонд. Ног азы фылдӕр мадзӕлттӕ сараздзысты Хетӕгкаты Къостайы номыл фӕлладуадзӕн парчы. 21 декабры Ленины фӕзы байгом кӕндзысты республикӕйы сӕйраг зазбӕлас.

Дзӕуджыхъӕуы районтӕ дӕр сӕхи цӕттӕ кӕнынц бӕрӕгбонмӕ. Денджызон фистӕгӕфсӕддонты уынджы ӕмӕ Иукӕнынады фӕзы арӕзт ӕрцӕудзысты егъау дзыллон мадзӕлттӕ.

Дзӕуджыхъӕуы бӕлӕстӕ аив кӕнынц гирляндӕтӕ ӕмӕ рухсдиодон цырӕгътӕй, горӕты ӕппӕт районты дӕр ӕвӕрынц Ног азы ӕвдисӕнтӕ — аивгонд зазбӕлӕстӕ.

Дзӕуджыхъӕуы администрацийы пресс-службӕ

ОСТАВЬТЕ ОТВЕТ

Please enter your comment!
Please enter your name here