Хихъӕппӕрисадон аивады дӕснытӕ

0
36

«Иры фарн-2019», зӕгъгӕ, аивадон хихъӕппӕрисады республикон ӕркасты II-ӕм концерт уыд Цӕгат Ирыстоны Тӕбӕхсӕуты Балойы номыл паддзахадон академион театры. Афӕдзы дӕргъы дзы архайдтой нӕ республикӕйы горӕтты ӕмӕ хъӕуты культурӕйы артдзӕстыты коллективтӕ. Ӕвдыст дзы ӕрцыдысты хихъӕппӕрисадон аивадон сфӕлдыстадон жанры алы хуызы номинацитӕ: кафт, зард, инструменталон сфӕлдыстад, аивадон дзырд, театралон аивад ӕмӕ нывкӕнынад.

Конкурсы архайджытӕн сӕ хуыздӕрты сбӕрӕг кодтой жюрийы уӕнгтӕ – культурӕ ӕмӕ аивады дӕсны архайджытӕ, сӕ сӕргъы — Республикӕйы адӕмон сфӕлдыстады хӕдзары директор, РЦИ-Аланийы адӕмон артист Цӕриаты Валери.

Бӕрӕгбоны концерты уазджытӕ уыдысты РЦИ-Аланийы Сӕргълӕууӕг Битарты Вячеслав, РЦИ-Аланийы Хицауады Сӕрдары хӕдивӕг Иринӕ Азимова, РЦИ-Аланийы культурӕйы министр Къубалты Эльбрус, Дзӕуджыхъӕуы администрацийы сӕргълӕууӕг Фӕрниаты Тамерлан ӕмӕ «Иры Стыр Ныхас»-ы сӕрдар Кучиты Руслан.

Битарты Вячеслав арфӕ ракодта ӕркасты архайджытӕ ӕмӕ уӕлахиздзаутӕн. Йӕ ныхасы нӕ республикӕйы Сӕргълӕууӕг бафиппайдта, адӕмон сфӕлдыстад кӕй у ирон адӕмы удварны хӕзна, ӕмӕ фыдӕй фыртмӕ цӕуы, абоны ӕркаст «Иры фарн»-ы чи архайы, ахӕм зӕрдӕргъӕвд адӕмы фӕрцы.

— Фӕд-фӕдыл дыккаг аз ацы фестивал ӕрбамбырд кодта нӕ Ирыстоны сфӕлдыстадон къордты ӕмӕ ссис нӕ республикӕйы культурон царды зынгӕ цау. Нӕ фӕнд уыд дӕрддзӕф хъӕутӕй курдиатджын адӕмы ӕрбамбырд кӕнын. Уымӕн ӕмӕ Ирыстон у, хъӕздыг истори ӕмӕ кадджын ӕгъдӕуттӕ кӕмӕн ис, курдиатджын адӕм кӕм цӕры, ахӕм диссаджы бӕстӕ. Абон мах кад кӕнӕм, фестивалы кӕронбӕттӕны чи архайы, уыдонӕн — нӕ республикӕйы хуыздӕр хихъӕппӕрисадон къордтӕн. Уе ’ппӕтӕн дӕр арфӕ кӕнын уӕ ӕнтыстджын архайды тыххӕй. Уӕ сфӕлдыстад пайда у нӕ адӕмон культурӕ бахъахъхъӕнынӕн, рӕзгӕ фӕлтӕры патриотон ӕмӕ граждайнаг хъомыладӕн. Зӕрдиагӕй арфӕ кӕнын ӕркасты уӕлахиздзаутӕн. Мӕ зӕрдӕ уын зӕгъы, уӕ къухы ноджы фылдӕр ӕнтыстдзинӕдтӕ бафтӕнт! — загъта Битарты Вячеслав. Уый фӕстӕ уӕлахиздзаутӕн радта ӕхцайы премитӕ.

Аивадон хихъӕппӕрисады республикон ӕркаст «Иры фарн» нӕ республикӕйы Сӕргълӕууӕг Битарты Вячеславы фӕндонмӕ гӕсгӕ арӕзт ӕрцыд дыккаг хатт. Ацы ӕркаст у поэт, публицист, драматург, ирон литературӕйы бындурӕвӕрӕг Хетӕгкаты Къостайы азы юбилейы кадӕн.

Ацы аз 12 мартъийы РЦИ-Аланийы Сӕргълӕууӕг Битарты Вячеслав йӕ Ныстуаны фӕсидт курдиатджын фӕсивӕдӕн алывӕрсыгӕй ӕххуыс кӕнынмӕ. «Нӕ сӕйраг хӕс у адӕмӕн саразын ӕппӕт мадзӕлттӕ дӕр, цӕмӕй сӕ курдиӕттӕ раргом уой, сӕ алы хъуыддаджы дӕр сӕ фарсмӕ ӕрбалӕууын, культурӕмӕ фылдӕр фӕсивӕд раздахын. Уымӕ гӕсгӕ арӕзт ӕрцыд фыццаг республикон ӕркаст «Иры фарн» ӕмӕ йӕ араздзыстӕм алы аз, уӕлахиздзаутӕн та лӕвӕрд цӕудзӕн гранттӕ», — фыст уыд йӕ Ныстуаны.

 

РЦИ-Аланийы Сӕргълӕууӕджы ӕмӕ

Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here