Пенси исыны хуыз аивынӕн

0
29

Уӕрӕсейы Пенсион фонды цӕгатирыстойнаг хайад республикӕйы цӕрджыты зӕрдыл лӕууын кӕны, пенсиисӕг ӕвзары, пенси йӕм чи хӕццӕ кӕндзӕн, уыцы кусӕндон, йӕ хӕдзары, кусӕндоны кассӕйы, стӕй йын банчы чи ис, пенсийы ӕхцатӕ уыцы хыгъдмӕ бахӕссын.

Уымӕй уӕлдай ма йӕм ис цыфӕнды бон дӕр йӕ уынаффӕ аивыны ӕмӕ ӕндӕр кусӕндон равзарыны бар дӕр, ӕцӕг ӕй уыцы хабар фехъусын кӕнын хъӕуы бӕстӕйы Пенсион фондӕн.

Ӕппӕтӕй удӕнцойдӕр мадзал у Пенсион фонды сайты «Личный кабинет»-ы фӕрцы куырдиат барвитын. Интернетӕй пайда кӕнын ӕрӕджы чи райдыдта, уыцы адӕм дӕр куырдиат барвитыны фӕтк ӕнцонӕй базондзысты УФ-йы Пенсион фонды сӕрмагонд сайты: www.ptrt.ru.

Зӕгъӕм, ацы аз 9,6 мин цӕгатирыстойнагӕй фылдӕр спайда кодтой пенси сӕм хӕццӕ кӕныны хуыз баивыны тыххӕй куырдиат электронон хуызы барвитыны фадатӕй.

Республикӕйы пенсион ведомствӕ цӕгатирыстойнӕгтӕн хӕссы, хӕдзарӕй нӕ рацӕугӕйӕ, цыфӕнды удӕнцой афон Пенсион фонды электронон лӕггӕдтӕй пайда кӕныны фӕндон, Пенсион фонд адӕмӕн электронон кабинеты фадӕттӕ иудадзыг кӕй уӕрӕх кӕны, уӕлдайдӕр та уый нымайгӕйӕ (ныртӕккӕ электронон кабинет стӕмтӕй фӕстӕмӕ ӕххӕссы Пенсион фонды ӕппӕт фиддонтыл — пенситыл, ӕрвылмӕйон фиддонтыл, социалон лӕггӕдты къордыл, ныййарӕджы капитал ӕмӕ ӕндӕртыл).

Пенсион фонды лӕггӕдтӕй электронон хуызы спайда кӕнын кӕй фӕнды, уый хӕс у паддзахадон лӕггӕдты порталы йӕхи регистраци скӕнын (афтӕ бакӕнӕн ис хӕдбарӕй, кӕнӕ та Пенсион фонды клиентон службӕйы фӕрцы). Ацы хъуыддаг саразынӕн адӕймаг хъуамӕ Пенсион фонды хайадмӕ бахӕсса йӕ паспорт, СНИЛС ӕмӕ чырӕг телефон (электронон пост).

Хабӕрттӕ бӕлвырддӕр базонӕн ис Пенсион фонды хайады 8(8672)51-80-92 телефонӕй.

КЪНАТТАТЫ Маринӕ

ОСТАВЬТЕ ОТВЕТ

Please enter your comment!
Please enter your name here