Ныййарӕджы капиталы фӕрӕзтӕ — царды уавӕртӕ фӕхуыздӕр кӕнынӕн

0
9

Ныййарӕджы капиталы тыххӕй сертификатты хицӕуттӕ чи сси, уыцы адӕмӕн сӕ фылдӕр хай ахӕм паддзахадон ӕххуысы фӕрӕзтӕ схардз кодтой сӕ царды уавӕртӕ фӕхуыздӕр кӕныныл.

Ныййарӕджы капиталы тыххӕй паддзахадон программӕйы фӕрцы ныридӕгӕн сӕ царды уавӕртӕ фӕхуыздӕр кодтой 31 мин цӕгатирыстойнаг бинонтӕ. Уыцы нысанӕн УФ-йы Пенсион фонды Цӕгат Ирыстоны хайад радих кодта 12,3 миллиард сомӕй фылдӕр.

Капиталы фӕрӕзты ӕххуысӕй ног цӕрӕнуат балхӕнын, кӕнӕ хӕдзары арӕзтад райдайын — фыццаджы-фыццагдӕр ахӕм нысаныл схардз кӕнынц сертификаты фӕрӕзтӕ, куыд Ирыстоны цӕрджытӕ, афтӕ, ӕмткӕй райсгӕйӕ, иннӕ уӕрӕсейаг регионты бинонтӕ дӕр. Пенсион фонды бӕрӕггӕнӕнтӕм гӕсгӕ, сертификатты хицӕуттӕн сӕ 55,6 проценты ныридӕгӕн уыцы фӕрӕзты фӕрцы райстой ног цӕрӕнуӕттӕ, кӕнӕ сӕхгӕдтой сӕ цӕрӕнуатон ӕфстӕуттӕ. Уыимӕ, ӕрмӕст цӕрӕнуатон кредиттӕ сӕхгӕнынӕн Пенсион фонд сертификатты хицӕуттӕн радих кодта 4,5 миллиард сомы бӕрц.

Зындгонд куыд у, афтӕмӕй ныййарӕджы капиталы тыххӕй паддзахадон программӕ ӕххӕстгонд цӕудзӕн 2021 азы 31 декабры онг. Уыимӕ, программӕйы бындурыл ныййарӕджы капиталы тыххӕй сертификаттӕ чи райса, уыцы адӕмӕн фадат ис уыцы фӕрӕзтӕй кӕдфӕнды дӕр спайда кӕнынӕн.

УФ-йы Пенсион фонды Цӕгат Ирыстоны хайады бӕрӕггӕнӕнтӕм гӕсгӕ, абоны онг нӕ республикӕйы ахӕм сертификаттӕ лӕвӕрд ӕрцыд 56,3 мин бинонтӕн.

Ныййарӕджы капиталы тыххӕй паддзахадон программӕ йӕ тыхы бацыд 2007 азы. Уӕд сертификаты фӕрӕзты бӕрц уыд 250 мин сомы. Уый фӕстӕ азты уыцы нымӕц цалдӕр хатты ӕрцыд индексацигонд ӕмӕ ныртӕккӕ у 466 617 сомы.

Кънаттаты Маринӕ

ОСТАВЬТЕ ОТВЕТ

Please enter your comment!
Please enter your name here