Ахсджиаг объекттӕ

0
100

Къуайсайы цӕрӕнуӕтты-коммуналон хӕдзарады унитарон куыстуаты хицау Хуыгаты Аланы ныхасмӕ гӕсгӕ, фарон горӕты ӕртӕ уынджы аивгонд ӕрцыдысты, донуадзӕны арӕзтад кӕронмӕ ахӕццӕ, стӕй цалдӕр арӕзтадон куысты бакодтой.

Ивгъуыд аз Инвестицион программӕмӕ гӕсгӕ унитарон куыстуат «Дорэкспострой» горӕты Хетӕджы-фырты, стӕй Гагарины ӕмӕ Комаровы уынгтӕ банывыл кодта. Дзауы цӕрӕнуӕтты-коммуналон хӕдзарад Везурӕй Къуайсамӕ донуадзӕн рацарӕзта. Хӕдзӕрттӕм цы дон цыди, уый нуазынӕн нӕ бӕззыд. Ныр ног донуадзӕны фӕрцы адӕммӕ сыгъдӕг дон цӕудзӕн. Къуайсайы цӕрӕнуӕтты-коммуналон хӕдзарады кусджытӕ бирӕфатерон хӕдзары сӕр баивтой, цыппар бирӕфатерон хӕдзары пъадвӕлтты та зӕронд донуадзӕн ӕмӕ канализацион хӕтӕлтӕ ногтӕй баивтой.

— Горӕты рӕвдауӕндон сцалцӕг кодтам. Кувӕндонмӕ фӕндаг сарӕзтам, Къозы хъӕуы та къанау расыгъдӕг кодтам ӕмӕ цӕугӕдон йӕ донвӕдмӕ ӕрбаздӕхтам, уымӕн ӕмӕ дон хиды сӕрты кӕлын райдыдта. Ацы аз Бзитӕйы хъӕуы хид сцалцӕг кӕндзыстӕм ӕмӕ дыууӕ бирӕфатерон хӕдзары сӕры баивдзыстӕм. Уымӕй уӕлдай ма Къуайсайы центрон парк саив кӕнынмӕ хъавӕм ӕмӕ дзы, уынгты чи вӕййы, ахӕм тренажертӕ сӕвӕрдзыстӕм, стӕй зӕронд ӕмбонд ногӕй баивдзыстӕм, — загъта Хуыгайы-фырт.

(Информацион агентад «Рес»)

ОСТАВЬТЕ ОТВЕТ

Please enter your comment!
Please enter your name here