Арфӕтӕ — хуыздӕртӕн

0
37

Уӕрӕсейы Мыхуыры боны фӕдыл республикӕйы журналисттӕн арфӕ ракодта ӕмӕ йе ‘рвылазон премитӕ радта РЦИ-Аланийы Сӕргълӕууӕг БИТАРТЫ Вячеслав.

Цӕгат Ирыстоны журналисттӕн арфӕ кӕнгӕйӕ, Битарты Вячеслав куыд загъта, афтӕмӕй журналисттӕ, хицаудзинады ӕххӕстгӕнӕг бӕрнон адӕймӕгтимӕ иумӕ ӕхсӕнады кӕнынц ахсджиаг хъуыддаг — архайынц адӕмы цард фӕхуыздӕр кӕныныл.

— Чысыл раздӕр фембӕлдтӕн дзыллон фӕрӕзты сӕйраг редактортимӕ, ӕмӕ уым дӕр нӕ хъуыды уыд иу — иумӕйагӕй, адӕмимӕ ӕнгом бастӕй кусын дзыллӕйы хӕрзӕбонӕн. Уымӕ гӕсгӕ, журналисттӕ цы ӕрмӕджытӕ цӕттӕ кӕнынц, уыдонӕн ис стыр нысаниуӕг. Хицаудзинадӕн йӕ хӕс у, дзыллон фӕрӕзты цы критикон ӕмӕ ӕндӕр вазыгджын ӕрмӕджытӕ рацӕуы, уыдонмӕ цӕст дарын ӕмӕ сын аккаг куыстӕй дзуапп дӕттын. Ахсджиаг фарстытӕ хъӕуы адӕмы размӕ хӕссын ӕмӕ сӕ лыг кӕнын. Ӕмӕ уыцы хъуыддагыл дарддӕр дӕр иумӕ архайдзыстӕм. Арфӕ уын кӕнын уӕ профессионалон бӕрӕгбоны фӕдыл, ӕнӕниз, зӕрдӕрухс ӕмӕ ӕнтыстджын ут.

Уый фӕстӕ Битарты Вячеслав республикӕйы Сӕргълӕууӕджы премитӕ радта, афӕдзы дӕргъы алыхуызон номинациты чи фӕуӕлӕхиз, уыцы журналисттӕн.

Номинаци «Кад ӕмӕ намыс»-ы премиты аккаг систы журналисттӕ Джыккайты Заремӕ, Хъарданты Тимур, Санахъоты Иринӕ ӕмӕ Сосранты Жаннӕ.

Номинаци «Афӕдзы темӕ — Уӕрӕсейы» премитӕ лӕвӕрд ӕрцыдысты Людмилӕ Белоусӕн, Дзанайты Альбинӕйӕн, Нӕкуысаты Беллӕ ӕмӕ Налдыхъуаты Зӕлинӕйӕн.

Номинаци «Иудзинад»-ы преми райста хуссарирыстойнаг журналист Биазырты Мӕдинӕ.

Номинаци «Фидӕн»-ы республикӕйы Сӕргълӕууӕджы премитӕ лӕвӕрд ӕрцыдысты журналисттӕ Татьянӕ Байбародовайӕн, Бибылты Эллӕйӕн, Цӕгӕраты Зӕринӕйӕн ӕмӕ Черчесты Зӕринӕйӕн.

Ивгъуыд азы декабры кӕрон рацыд газет «Рӕстдзинад»-ы 25 минон номыр. Уый фӕдыл газеты коллективӕн лӕвӕрд ӕрцыд Уӕрӕсейы Федерацийы Журналистты цӕдисы Кады грамотӕ. «Рӕстдзинад»-ы сӕйраг редактор Хозиты Барисӕн ӕй радта Цӕгат Ирыстоны Журналистты цӕдисы сӕрдар Хъуысаты Тимур.

ДЕДЕГКАТЫ Зӕлинӕ

ОСТАВЬТЕ ОТВЕТ

Please enter your comment!
Please enter your name here