Нӕ командӕ бацахста фыццаг бынат

0
40

Хъалмыхъы республикӕйы сӕйраг горӕт Элистайы армрестлингӕй цы ӕппӕтуӕрӕсеон турнир «Хӕлардзинады кубок» цыд, уым фесгуыхтысты Ирыстоны спортсментӕ.

Ерысты ӕдӕппӕтӕй архайдтой 200 нӕлгоймаг ӕмӕ сылгоймаг спортсментӕ. Ирыстоны минӕвӕрттӕ уыдонимӕ ерысы бацахстой 1-аг командон бынат.

Хицӕн спортсменты ерысты фыццаг бынӕттӕ рамбылдтой Легкоты Зауыр (55 кг), Магкӕты Георги (+100 кг), Гуӕцӕлты Никӕ (50 кг), Цӕбиты Дианӕ (60 кг), Гуыззыттаты Дианӕ (80 кг), Дудиаты Дианӕ (+80 кг). Дыккаг бынӕттӕ бацахстой: Бутаты Азӕмӕт (+110 кг) ӕмӕ ӕлборты Аланӕ (50 кг), Быценты Илонӕ та рамбылдта 3-аг бынат.

Профессионалон армспорты фӕткмӕ гӕсгӕ ерысты нӕ фӕсивӕд фондз уӕзы хӕцгӕйӕ, фыццаг бынӕттӕ рамбылдтой цыппар хатты. Чызджыты ‘хсӕн уӕлахиздзаутӕ систы Плиты Беллӕ (60 кг) ӕмӕ Хъаирты Мӕдинӕ (+60 кг). Нӕлгоймӕгты ерысты Скъиаты Ортан (75 кг) ӕмӕ Золойты Хадзымурат (90 кг) бацахстой 1-аг бынӕттӕ. Хортиты Оксанӕ (+60 кг) ӕмӕ Хъариаты Мурат (+90 кг) рамбылдтой ӕвзист майдантӕ. Байаты Миланӕ (60 кг), Гуыззыттаты Дианӕ (+60 кг) ӕмӕ Хадаты Чермен (+90 кг) та систы бронзӕ майдантӕй хорзӕхджын.

Турниры хицӕнӕй ерыс кодтой, йе ‘нӕниздзинад хъыгдард кӕмӕн у, ахӕм спортсментӕ. Уыдоны ерысты фесгуыхтысты Цъӕхилты Греф ӕмӕ Биазырты Валери. Греф 1-аг бынат рамбылдта галиу къухӕй 80 кг онг уӕзы ерыс кӕнгӕйӕ, Биазыры-фырт та уӕлахиздзау ссис абсолютон уӕзы.

Ӕмткӕй райсгӕйӕ, Ирыстоны командӕ рамбылдта ӕппӕты фылдӕр сыгъзӕрин хӕрзиуджытӕ.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here