Тебиаты Феликсы куыстыты равдыст

0
9

Камчаткӕйы крайы Аивадон музейы кадджын уавӕры байгом уыдзӕн Уӕрӕсейы сгуыхт нывгӕнӕг Тебиаты Феликсы аивадон куыстыты равдыст. Уый тыххӕй фехъусын кодта информацион агентад «Камчатка».

Музейы пресс-службӕйы минӕвар куыд фехъусын кодта, афтӕмӕй равдыст арӕзт цӕуы нывгӕнӕджы райгуырды 80 азы кадӕн. Йӕ ныхасмӕ гӕсгӕ, экспозицийы сӕ бынат бацахстой нывгӕнӕджы пейзажтӕ ӕмӕ натюрморттӕ. «Уыимӕ, нывгӕнӕджы сфӕлдыстады сӕрмагонд бынат бацахстой Камчаткӕйы цӕрджыты портреттӕ. Тебийы-фырт йе сфӕлдыстады ирдӕй равдыста Цӕгатаг ӕрдзы рӕсугъддзинад ӕмӕ Камчаткӕйы цӕрджыты зӕрдӕмӕхъаргӕ фӕлгонцтӕ», — загъта пресс-службӕйы минӕвар.

Тебиаты Феликс райгуырд Дзӕуджыхъӕуы. 1963 азы каст фӕци Цӕгат Ирыстоны аивадон училищӕ. Уӕдӕй фӕстӕмӕ йӕ цард баст уыд Камчаткӕимӕ. Нывгӕнӕг зӕрдиагӕй архайдта регионалон, ӕппӕтуӕрӕсеон ӕмӕ дунеон равдыстыты, йӕ куыстытӕ ӕфснайд сты бирӕ уӕрӕсейаг ӕмӕ фӕсарӕйнаг музейты. Тебийы-фыртӕн цы бирӕ хӕрзиуджытӕ саккаг кодтой, уыдоны ‘хсӕн уыдысты Уӕрӕсейы Аивӕдты академийы ӕвзист ӕмӕ сыгъзӕрин майдантӕ дӕр.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here