Сӕ хъару ӕвдисынц Новосибирскы

0
70

Знон Новосибирскы райдыдта Уӕрӕсейы чемпионат бердзенаг-ромаг хъӕбысхӕстӕй. Ирыстоны богӕлттӕй Новосибирскы ерысты архайынц дӕс лӕппуйы.

Нӕ богӕлттӕн сӕ фылдӕр сты, ӕрӕджы дӕр ма фӕсивӕды ерысты чи архайдта, ахӕм лӕппутӕ. Зӕгъӕм, Тыбылаты Георги (60 кг онг уӕз) ӕмӕ Беккуызарты Руслан (97 кг) фӕсивӕды ‘хсӕн фарон дунеон чемпионаты бацахстой 3-аг бынӕттӕ.

Тренертӕ Цӕмӕхъуаты Нарт ӕмӕ Фӕрниаты Сослан сӕ сӕргъы, афтӕмӕй Новосибирскы Ирыстоны номӕй гауызыл сӕ хъару ӕмӕ арӕхстдзинад ӕвдисдзысты: 60 кг — Тыбылаты Георги, 63 кг — Чертхъоты Уырызмӕг, 67 кг — Гугкаты Давид, 77 кг —Хъозиты Азӕмӕт, 82 кг — Хуыгаты Алан, Кортиаты Артем ӕмӕ Джиоты Дмитри, 87 кг — Хуыгаты Аслан, 97 кг — Беккуызарты Руслан, 130 кг — Назар Ройок.

Уыдонӕй уӕлдай ма республикӕ Мордови ӕмӕ Кӕсӕг-Балхъары республикӕйы номӕй ерысты архайдзысты Хъӕбӕлоты ӕфсымӕртӕ Витали (55 кг) ӕмӕ Зауыр (67 кг). Витали ӕмӕ Зауыр амӕй размӕ дыууӕйӕ дӕр уыдысты Уӕрӕсейы чемпионтӕ ӕмӕ ныр тох кӕндзысты ӕрмӕстдӕр уӕлдӕр бынӕттӕ бацахсыныл. Нӕ иннӕ лӕппутӕн дӕр фадат уыдзӕн ацы чемпионаты се ‘ппӕт гӕнӕнтӕй дӕр спайда кӕнын ӕмӕ сын нӕ зӕрдӕ зӕгъы хӕрзиуджыты хуынтимӕ хъӕлдзӕгӕй сыздӕхын!

Баскаты Уырызмӕг

ОСТАВЬТЕ ОТВЕТ

Please enter your comment!
Please enter your name here