Коммуналон хӕдзарад ӕмӕ санитарон сыгъдӕгдзинад

0
18

Дзӕуджыхъӕуы бынӕттон хиуынаффӕйады администрацийы сӕргълӕууӕг Фӕрниаты Тамерланы разамындӕй цы ӕмбырд уыд, уый архайджытӕ ӕргом аздӕхтой горӕты цӕрӕнуӕтты-коммуналон хӕдзарады комплексы ӕнӕкъуыхцы куыст ӕмӕ санитарон сыгъдӕгдзинады фарстытӕм.

Ӕмбырды райдайӕны Фӕрниаты Тамерлан куыд фӕнысан кодта, афтӕмӕй дзӕуджыхъӕуккӕгты ӕппӕтфадатджын цард бирӕ аразгӕ у цӕрӕнуӕтты-коммуналон комплексы куыстуӕтты ӕнӕкъуылымпы архайдӕй. Уӕлдай ахсджиагдӕр уыцы комплексы архайд зымӕджы у.

Горӕты администрацийы структурон дӕлхайӕдты, разамонӕг компанитӕ ӕмӕ цӕрӕнуӕтты хицӕутты ӕмбалӕдты минӕвӕрттӕ бӕстон радзырдтой, зымӕджы уавӕрты коммуналон инфраструктурӕйы объекттӕ куыд кусынц, уый тыххӕй.

Горӕты администрацийы сӕргълӕууӕг ӕмбырды архайджыты ӕргом сӕрмагондӕй аздӕхта бирӕфатерон цӕрӕн хӕдзӕртты кӕртыты сыгъдӕгдзинадмӕ. «Республикӕйы Сӕргълӕууӕг нын нӕ размӕ цы нысантӕ сӕвӕрдта, уыдонӕй иу у зынгӕ фӕхуыздӕр кӕнын горӕты уынгтӕ ӕмӕ кӕртыты санитарон сыгъдӕгдзинад. Ӕппӕт бӕрнон ведомствӕтӕ ӕмӕ куыстуӕттӕ дӕр ацы фарстмӕ хъуамӕ аздахой стырдӕр ӕргом, цӕмӕй Дзӕуджыхъӕуы сыгъдӕгдзинады къӕпхӕн уа республикӕйы сӕйраг горӕты номы аккаг», — бафиппайдта Фӕрнийы-фырт.

Уымӕй уӕлдай, администрацийы сӕргълӕууӕджы ныхасмӕ гӕсгӕ, сыгъдӕгдзинады фарстытӕм горӕты ӕппӕт цӕрджытӕ дӕр хъуамӕ иуварсӕй ма кӕсой.

Ӕмбырды архайджытӕ цы фарстытыл ӕрдзырдтой, уыдоны фӕдыл рахастой бӕлвырд уынаффӕтӕ.

Дзӕуджыхъӕуы бынӕттон хиуынаффӕйады

администрацийы пресс-службӕ

ОСТАВЬТЕ ОТВЕТ

Please enter your comment!
Please enter your name here