Бюджеты ӕхца нысантыл сӕмбӕлд

0
174

Кӕд ӕмӕ Цӕгат Кавказы хъуыддӕгты министрад, куыд ведомствӕ ног Хицауады сконды нал ис, уӕддӕр ма йӕ разамынд ивгъуыд азы куысты бӕрӕггӕнӕнтӕ банымадта. Уыдонмӕ гӕсгӕ «Цӕгат Кавказы федералон зылды рӕзты» паддзахадон программӕйӕн бюджетӕй лӕвӕрд ӕхца куыстгонд ӕрцыд 97,4 процентӕй.

Ӕххӕстӕй, ома, 100 процентӕй, социалон-экономикон рӕзты дӕлпрограммӕтӕ бантыстысты Хъӕрӕсе-Черкесты, Кӕсӕг-Балхъар ӕмӕ Цӕцӕны республикӕты. Бӕрзонд ӕмвӕзады ис Цӕгат Ирыстон дӕр — 99,8 проценты, дарддӕр — Стъараполы край — 99,5 проценты, Мӕхъӕлы республикӕ — 98,8 проценты, Дагестан — 86 проценты.

Ӕппӕт субъектты дӕр зӕрдиагӕй бацархайдтой туризмы рӕзтимӕ баст дӕлпрограммӕйыл. Цы бюджетон ӕхца йын радтой, уыдон 100 процентӕй куыстгонд ӕрцыдысты. Сарӕзтӕуыд инфраструктурон объекттӕ, туризмӕн разамынддӕттыны хызӕг. Нысантыл сӕмбӕлдзысты Цӕгат Кавказы федералон зылды инвестицион архайдӕн уавӕртӕ скӕныны ӕмӕ инвестицион проекттӕн ӕххуысы дӕлпрограммӕтӕн лӕвӕрд ӕхца.

Ӕрдзон фӕзындтытимӕ баст ӕнӕнхъӕлӕджы уавӕртӕй бындурон арӕзтады объекттӕ бахъахъхъӕнынӕн дихгонд ӕхца дӕр ӕмбӕлгӕ хуызы хардзгонд ӕрцыдысты — сӕ 98,2 проценты. Уӕдӕ Кавказаг Минералон Дӕтты инфраструктурон рӕзты ӕмӕ фӕлгонцады дӕлпрограммӕ бантыст 85 процентӕн. Ивгъуыд аз ӕппӕт ӕмбӕлгӕ финансон ӕххуыс фӕхӕццӕ кодтой Хуссар Ирыстон ӕмӕ Абхазы республикӕтӕм.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here